കൊച്ചി: ഭരണഘടനാമൂല്യങ്ങളെ ഉയർത്തിപ്പിടിക്കുകയും മനുഷ്യാവകാശങ്ങളെ സംരക്ഷിക്കുകയും ചെയ്യുന്നതാണ് വിവരാവകാശ നിയമമെന്ന് മേയർ അഡ്വ.എം അനില്കുമാർ . സർക്കാർ ഉദ്യോഗസ്ഥരുടെ പ്രവർത്തനങ്ങള് സുതാര്യമാക്കാനും ജനങ്ങളോടുള്ള ഉത്തരവാദിത്വം വർദ്ധിപ്പിക്കാനും ജനാധിപത്യത്തെ കൂടുതല് ഫലപ്രദമാക്കുന്നതിനും വിവരാവകാശ നിയമം സഹായിച്ചു.
ഭരണഭാഷ വാരാഘോഷവും വിവരാവകാശ നിയമ സെമിനാറും
2024 നവംബർ 3 ന്, കൊച്ചിൻ കോർപ്പറേഷൻ, ചാവറ കള്ച്ചറല് സെന്റർ, ഇൻഫർമേഷൻ പബ്ലിക് റിലേഷൻസ് വകുപ്പ് എന്നിവർ സംയുക്തമായി സംഘടിപ്പിച്ച ഭHumanwrights,രണഭാഷ വാരാഘോഷവും വിവരാവകാശ നിയമസെമിനാറും ഉദ്ഘാടനം ചെയ്യുകയായിരുന്നു അദ്ദേഹം. ചാവറ കള്ച്ചറല് സെന്റർ ഡയറക്ടർ ഫാ. അനില് ഫിലിപ്പ് അദ്ധ്യക്ഷനായി.
സംസ്ഥാന വിവരാവകാശ കമ്മീഷണർ ഡോ.എ. അബ്ദുള് ഹക്കീം മുഖ്യപ്രഭാഷണം നടത്തി. ജില്ലാ ഉപഭോക്തൃ തർക്ക പരിഹാര കമ്മിഷൻ പ്രസിഡന്റ് ഡി.ബി. ബിനു, സുപ്രീം കോടതി അഭിഭാഷകൻ ജോസ് എബ്രഹാം എന്നിവർ ചർച്ച നയിച്ചു.ജില്ലാ ഇൻഫർമേഷൻ ഓഫീസർ എൻ.ബി. ബിജു, കോർപ്പറേഷൻ ജോയിന്റ് സെക്രട്ടറി പത്മനാഭൻ എന്നിവർ സംസാരിച്ചു
