കാഠ്മണ്ഡു: നേപ്പാളില് കനത്തമഴയെ തുടര്ന്നുണ്ടായ പ്രളയത്തിലും മണ്ണിടിച്ചിലിലും 112 പേര് മരിച്ചു. നൂറോളം പേര്ക്ക് പരിക്കേറ്റിട്ടുണ്ട്.. 68 പേരെ കാണാതായി. 2024 സെപ്തംബർ 27 വെള്ളിയാഴ്ച മുതല് രാജ്യത്തിന്റെ പല ഭാഗങ്ങളും ഒറ്റപ്പെട്ട നിലയിലാണ്.
54 കൊല്ലത്തിനിടയിലെ ഏറ്റവും ശക്തമായ മഴ ,ബാഗ്മതി നദി കരകവിയുന്നു.
സെപ്തംബർ 28 ശനിയാഴ്ച 24 മണിക്കൂറിനിടെ 323 മില്ലിമീറ്റര് മഴയാണ് നേപ്പാളില് പെയ്തത്. 54 കൊല്ലത്തിനിടെ ഇതാദ്യമായാണ് ഇത്രയും ശക്തമായ മഴ പെയ്യുന്നത്. മൂവായിരത്തേളം സുരക്ഷാസേനാംഗങ്ങളെ ദുരിത നിവാരണ പ്രവര്ത്തനങ്ങള്ക്കായി നിയോഗിച്ചിട്ടുണ്ട്.രാജ്യതലസ്ഥാനമായ കാഠ്മണ്ഡുവിന് സമീപത്തെ നദികള് കരകവിഞ്ഞ് ഒഴുകുകയാണ്. സമീപത്തെ വീടുകള് തകര്ന്നു. പ്രധാന നദിയായ ബാഗ്മതി, അപകടകരമായ ജലനിരപ്പിലാണ് ഒഴുകിക്കൊണ്ടിരിക്കുന്നത്.