കാനഡ-ഇന്ത്യ സ്വതന്ത്രവ്യാപാര കരാർ ചർച്ചകൾ നിർത്തിവെച്ചു. ഇരു രാജ്യങ്ങളും തമ്മിലുള്ള രാഷ്ട്രീയ പ്രശ്നങ്ങൾ പരിഹരിച്ചതിന് ശേഷം ചർച്ചകൾ പുനരാരംഭിക്കുമെന്ന് അധികൃതർ പറഞ്ഞു. ഇരു രാജ്യങ്ങളും തമ്മിലുള്ള നയതന്ത്ര ബന്ധം മോശമാകുന്നതിനിടെയാണ് നടപടി. ഇന്ത്യയുമായുള്ള വ്യാപാര കരാർ ചർച്ചകൾ നിർത്തിവെച്ചതായി കാനഡ 2023 സെപ്റ്റംബർ 2ന് പ്രഖ്യാപിച്ചിരുന്നു.
”കാനഡയിൽ ചില രാഷ്ട്രീയ സംഭവവികാസങ്ങൾ ഉണ്ടായിട്ടുണ്ട്, അതിൽ ഇന്ത്യ എതിർപ്പ് ഉന്നയിച്ചിട്ടുണ്ട്. കാനഡയിലെ ചില രാഷ്ട്രീയ സംഭവവികാസങ്ങൾക്കെതിരെ ഇന്ത്യ ശക്തമായ നീരസം പ്രകടിപ്പിച്ചിട്ടുണ്ട്, അതിനാൽ തൽക്കാലം ഈ രാഷ്ട്രീയ പ്രശ്നങ്ങൾ പരിഹരിക്കപ്പെടുന്ന തുവരെ ഞങ്ങൾ ചർച്ചകൾ താൽക്കാലികമായി നിർത്തിവച്ചിരിക്കുകയാണ്,’ ഉദ്യോഗസ്ഥർ പറഞ്ഞു. ”ഈ രാഷ്ട്രീയ പ്രശ്നങ്ങൾ പരിഹരിക്കപ്പെടുന്ന നിമിഷം, ചർച്ചകൾ പുനരാരംഭിക്കും. അതിനാൽ, ഇത് ഒരു താൽക്കാലിക വിരാമം മാത്രമാണ്, ”ഉദ്യോഗസ്ഥർ കൂട്ടിച്ചേർത്തു.
വിഘടനവാദം പ്രോത്സാഹിപ്പിക്കുകയും നയതന്ത്രജ്ഞർക്കെതിരെ അക്രമം അഴിച്ചുവിടുകയും ഇന്ത്യൻ സമൂഹത്തെ ഭീഷണിപ്പെടുത്തുകയും ചെയ്യുന്ന കാനഡയിലെ തീവ്രവാദ ഘടകങ്ങളുടെ ഇന്ത്യാ വിരുദ്ധ പ്രവർത്തനങ്ങൾ തുടരുന്നതിനെക്കുറിച്ച് പ്രധാനമന്ത്രി നരേന്ദ്ര മോദി സെപ്തംബർ 10 ന് കനേഡിയൻ പ്രധാനമന്ത്രി ജസ്റ്റിൻ ട്രൂഡോയെ ആശങ്ക അറിയിച്ചിരുന്നു.
