ഇടുക്കി: മുല്ലപ്പെരിയാര് അണക്കെട്ടിലെ ജലനിരപ്പ് 141.80 അടി പിന്നിട്ടു. സെക്കന്റില് 250 ഘനയടി വെള്ളമാണ് അണക്കെട്ടിലേക്ക് ഒഴുകിയെത്തുന്നത്. അത്രയും വെള്ളം തമിഴ്നാട് ടണല് വഴി കൊണ്ടു പോകുന്നുണ്ട്. 142 അടിയാണ് പരമാവധി സംഭരണ ശേഷി.
ഡിസംബര് മൂന്നിനാണ് മുല്ലപ്പെരിയാര് അണക്കെട്ടിലെ ജലനിരപ്പ് 140 അടിയായത്. ജലനിരപ്പ് വീണ്ടും ഉയര്ന്നാല് അണക്കെട്ടിന്റെ സ്പില്വേ ഷട്ടറുകള് ഉയര്ത്തി അധികവെള്ളം ഒഴുക്കികളയേണ്ടി വരും.
