ഗ്രാമീണ വനിതാ ദിനത്തോടനുബന്ധിച്ച് പത്തനംതിട്ട നഗരസഭ സിഡിഎസ് – ജിആര്സിയുടെ നേതൃത്വത്തില് പൊതുഇടങ്ങളില് സ്ത്രീകള് എന്ന വിഷയത്തില് സംവാദവും കുടുംബശ്രീക്ക് മുമ്പും ശേഷവും എന്ന വിഷയത്തില് അനുഭവ സമാഹരണവും നഗരസഭ ഡെപ്യൂട്ടി ചെയര്പേഴ്സണ് ആമിന ഹൈദരാലി ഉദ്ഘാടനം ചെയ്തു. വ്യത്യസ്തവും വേറിട്ടതുമായ മേഖലകളില് കഴിവുതെളിയിച്ചതും സമൂഹത്തിന്റെ മുഖ്യധാരയിലേക്ക് ഉയര്ന്നുവന്നതുമായ വനിതകളെ ചടങ്ങില് ആദരിച്ചു. നഗരസഭാ ക്ഷേമകാര്യ സ്റ്റാന്ഡിംഗ് കമ്മിറ്റി ചെയര്പേഴ്സണ് അംബിക വേണു അധ്യക്ഷത വഹിച്ചു. സ്റ്റാന്ഡിംഗ് കമ്മിറ്റി ചെയര്മാന്മാരായ കെ.ആര് അജിത് കുമാര്, ഇന്ദിരാമണിയമ്മ, ജില്ലാ ആസൂത്രണ സമിതി അംഗം പി. കെ അനീഷ്, നഗരസഭ കൗണ്സില് അംഗങ്ങള്, സിഡിഎസ് ചെയര്പേഴ്സണ് പൊന്നമ്മ ശശി, വൈസ് ചെയര്പേഴ്സണ് ടീനാ സുനില്, നഗരസഭ മെമ്പര് സെക്രട്ടറി മിനി സന്തോഷ് തുടങ്ങിയവര് പങ്കെടുത്തു.
ഗ്രാമീണ വനിതാ ദിനത്തില് വനിതകളെ ആദരിച്ചു
