കോഴിക്കോട്: മാവൂര്‍ ഗ്രാമ പഞ്ചായത്തിലെ വളയന്നൂര്‍ ഗവ. എല്‍.പി സ്‌കൂളിനുവേണ്ടി അനുവദിച്ച വാഹനത്തിന്റെ ഫ്‌ളാഗ് ഓഫ് കര്‍മ്മം പി.ടി.എ റഹീം എം.എല്‍.എ നിര്‍വ്വഹിച്ചു. എം.എല്‍.എയുടെ പ്രാദേശിക വികസന ഫണ്ടില്‍ നിന്ന് അനുവദിച്ച 6,20,450 രൂപ ഉപയോഗപ്പെടുത്തിയാണ് വാഹനം വാങ്ങിയത്.
മാവൂര്‍ ഗ്രാമപഞ്ചായത്ത് പ്രസിഡണ്ട് പുലപ്പാടി ഉമ്മര്‍ അധ്യക്ഷത വഹിച്ചു. ഗ്രാമ പഞ്ചായത്ത് അംഗം ടി.ടി ഖാദര്‍, എസ്എംസി ചെയര്‍മാന്‍ ആര്‍.വി സലീം, വൈസ് ചെയര്‍മാന്‍ മങ്ങാട്ട് അബ്ദുള്ള, പി.ടി.എ വൈസ് പ്രസിഡണ്ട് സി അബ്ദുല്‍ ജലീല്‍, പി സലാം, എന്‍.കെ മനോജ്, നിധീഷ് നങ്ങാലത്ത്, കെ ശ്രീധരന്‍, സ്റ്റാഫ് സെക്രട്ടറി കെ ഷോണിജ എന്നിവര്‍ സംസാരിച്ചു. പ്രധാനധ്യാപിക വി ഉഷ സ്വാഗതവും പി.ടി.എ പ്രസിഡണ്ട് സി സലാം നന്ദിയും പറഞ്ഞു.
കോഴിക്കോട്: വളയന്നൂര്‍ ഗവ. എല്‍.പി സ്‌കൂൾ വാഹനം ഫ്‌ളാഗ് ഓഫ് ചെയ്തു
ഡെസ്ക് ന്യൂസ്
