മലപ്പുറം: ജില്ലയില് കോവിഡ് വ്യാപന സാധ്യത നിലനില്ക്കുന്ന സാഹചര്യത്തില് ആരോഗ്യ ജാഗ്രത ഉറപ്പാക്കുന്നതില് വീഴ്ച പാടില്ലെന്ന് ജില്ലാ മെഡിക്കല് ഓഫീസര് ഡോ. കെ. സക്കീന പറഞ്ഞു. ഇക്കാര്യത്തില് പൊതുജന പങ്കാളിത്തവും പിന്തുണയും അനിവാര്യമാണ്. പൊതു ഇടങ്ങളില് പോകുന്നവര് കൂടുതല് ശ്രദ്ധ ചെലുത്തേണ്ടതുണ്ട്. ഏതെങ്കിലും വിധത്തിലുള്ള ആരോഗ്യ പ്രശ്നങ്ങളുണ്ടായാല് അടുത്തുള്ള ആരോഗ്യ കേന്ദ്രം, ജില്ലാതല കണ്ട്രോള് സെല്, ആരോഗ്യ പ്രവര്ത്തകര് എന്നിവരുമായി ഫോണില് ബന്ധപ്പെടണം.
ആരോഗ്യ പ്രശ്നങ്ങളുണ്ടായാല് നേരിട്ട് ആശുപത്രികളില് പോകാതെ ജില്ലാതല കണ്ട്രോള് സെല്ലില് വിളിച്ച് ലഭിക്കുന്ന നിര്ദേശങ്ങള് പൂര്ണമായും പാലിക്കണം.ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253
ബന്ധപ്പെട്ട രേഖ:https://keralanews.gov.in/9507/Covid-19.html
