തിരൂര്‍: പുറത്തൂര്‍ പഞ്ചായത്തില്‍ മുസ്ലിം ലീഗ് സ്ഥാനാര്‍ഥിയുടെ കടയ്ക്ക് തീയിട്ടു. 17ാം വാര്‍ഡ് എടക്കനാടില്‍ നിന്നും അട്ടിമറി വിജയം നേടിയ പനച്ചിയില്‍ നൗഫലിന്റെ കാവിലക്കാടുള്ള കാറ്ററിംഗ് സര്‍വീസ് കടയാണ് തീയിട്ടത്. 16-12-2020 ബുധനാഴ്ച രാത്രി പത്തോടെയാണ് സംഭവം.
തീ ആളിപ്പടര്‍ന്ന് സമീപത്തെ തെങ്ങുകളിലേക്കും പടരാന്‍ തുടങ്ങിയതോടെ നാട്ടുകാര്‍ തീയണക്കാനുള്ള ശ്രമം ആരംഭിച്ചു. തിരൂരിൽ നിന്നും ഫയർഫോഴ്സും എത്തിയിരുന്നു.
അക്രമത്തിന് പിന്നിൽ സി.പി.എം പ്രവര്‍ത്തകരാണെന്ന് യു.ഡി.എഫ് നേതാക്കള്‍ ആരോപിച്ചു. ചിലർ നൗഫലിന്റെ വീട്ടില്‍ വന്ന് അക്രമം നടത്തിയതായും ആപണമുണ്ട്. എടക്കനാട് വാര്‍ഡില്‍ നൗഫല്‍, സി.പി.എം മുതിര്‍ന്ന നേതാവ് കെ.വി.സുധാകരനെ ഇരുനൂറിലേറെ വോട്ടുകള്‍ക്കാണ് തോൽപ്പിച്ചത്.
