ബർലിൻ: ലോകത്തിലെ ഏറ്റവും ബൃഹത്തായ സസ്യജാലങ്ങളുടെ പട്ടിക പ്രസിദ്ധീകരിച്ച് ജർമൻ ഗവേഷകർ. ലിപ്സിഗ് സർവകലാശാലയിലെയും ജർമ്മൻ സെന്റർ ഫോർ ഇന്റഗ്രേറ്റീവ് ബയോഡൈവേഴ്സിറ്റി റിസർച്ചിലെയും (ഐഡിവ്) ഗവേഷകരാണ് ഈ ഭീമൻ പട്ടിക തയ്യാറാക്കിയത്.
പട്ടികയിൽ 1,315,562 വാസ്കുലാർ സസ്യങ്ങളുടെ പേരുകൾ ഉൾപ്പെടുത്തിയിട്ടുണ്ട്. 181,000 പുതിയ ഇനങ്ങളുടെ പേരുകൾ വ്യക്തമാക്കുന്നതിലും പട്ടിക തയ്യാറാക്കിയ ഗവേഷകർ വിജയിച്ചു. ഈ സസ്യ ‘ഡാറ്റ’ സയന്റിഫിക് ഡാറ്റയിൽ പ്രസിദ്ധീകരിച്ചിട്ടുണ്ട്. പത്തുവർഷത്തെ തീവ്ര ഗവേഷണ പ്രവർത്തനങ്ങളുടെ ഫലമാണ് ഈ സമാഹാരമെന്ന് ഗവേഷകർ പറയുന്നു.
ശരിയായ ശാസ്ത്രീയ സസ്യനാമങ്ങളുടെ റഫറൻസ് ആയി ഇത് മാറിയേക്കാമെന്നാണ് ഈ രംഗത്തുള്ളവർ പറയുന്നത്.
