ലഖ്നോ: 50ഓളം കുട്ടികളെ ലൈംഗികമായി പീഡിപ്പിച്ച യു.പി എന്ജിനീയര് അറസ്റ്റില്. ജലസേചന വകുപ്പിലെ ജൂനിയര് എന്ജിനീയറെയാണ് സി.ബി.ഐ അറസ്റ്റ് ചെയ്തത്. കഴിഞ്ഞ 10 വര്ഷത്തിനിടെ അഞ്ച് മുതല് 16 വയസു വരെയുള്ള കുട്ടികളെയാണ് ഇയാള് ലൈംഗികമായി പീഡിപ്പിച്ചത്. ചിത്രകൂട്ട്, ബാണ്ഡ, ഹാമിര്പുര് തുടങ്ങിയ ജില്ലകളിലായാണ് പരാതികൾ ലഭിച്ചത്. ബാണ്ഡയില് നിന്നാണ് സി.ബി.ഐ ഇയാളെ അറസ്റ്റ് ചെയ്തത്. ഉടന് കോടതിയില് ഹാജരാക്കും.
ജൂനിയര് എന്ജിനീയറുടെ വീട്ടില് നടത്തിയ റെയ്ഡില് മൊബൈല് ഫോണുകളും എട്ട് ലക്ഷം രൂപയും കുട്ടികളെ ലൈംഗികമായി ഉപദ്രവിക്കുന്ന ദൃശ്യങ്ങളടങ്ങിയ ലാപ്ടോപ്പും സി.ബി.ഐ പിടിച്ചെടുത്തു. കുട്ടികളുടെ ചിത്രങ്ങളും ദൃശ്യങ്ങളും ഇയാള് ഓണ്ലൈനായി വില്ക്കുകയും ചെയ്തതായി കണ്ടെത്തി
