ഹൈദരാബാദ്: ഇന്ത്യയുടെ കോവിഡ് വാക്സിനായ ‘കോവാക്സിൻ്റെ ‘ ഒന്നാം ഘട്ട പരീക്ഷണം വിജയകരമായതായി ഭാരത് ബയോടെക്. ഐ സി എം ആറും ഭാരത് ബയോടെക്കും ചേർന്നാണ് വാക്സിൻ വികസിപ്പിച്ചിട്ടുള്ളത്.
രണ്ട് ഡോസ് വാക്സിൻ കുത്തിവച്ച കുരങ്ങൻമാരുടെ തൊണ്ടയിലും ശ്വാസകോശത്തിലും വൈറസ് സാന്നിധ്യം കുറഞ്ഞതായി കമ്പനി പറയുന്നു. വാക്സിന് മറ്റ് പാർശ്വഫലങ്ങളും ഇല്ലായിരുന്നു. ഇന്ത്യയിലെ 12 ഇൻസ്റ്റിറ്റ്യൂട്ടുകളിൽ കോവാക്സിൻ്റെ ക്ലിനിക്കൽ പരീക്ഷണം നടന്നു വരുന്നുണ്ട്.
