തിരുവനന്തപുരം ഫെബ്രുവരി 5: കൊറോണ വൈറസ് ബാധ സംബന്ധിച്ച് സമൂഹമാധ്യമങ്ങളില് വ്യാജ വാര്ത്തകള് പ്രചരിപ്പിക്കുന്നവര്ക്ക് എതിരെ ശക്തമായ നടപടി സ്വീകരിക്കുമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ നിര്ദ്ദേശിച്ചു. വൈറസ് ബാധ സംബന്ധിച്ച് വിവിധ തരത്തിലുള്ള വ്യാജ വാര്ത്തകള് സമൂഹമാധ്യമങ്ങളില് കാണുന്നതിന്റെ അടിസ്ഥാനത്തിലാണ് നിര്ദ്ദേശം.
വ്യാജ വാര്ത്തകള് തയ്യാറാക്കി പോസ്റ്റ് ചെയ്യുന്നവരെയും അത് പങ്കുവെയ്ക്കുന്നവരെയും കണ്ടെത്തി പ്രോസിക്യൂഷന് നടപടി സ്വീകരിക്കും. ജില്ലാ പോലീസ് മേധാവിമാര്, ഹൈടെക് ക്രൈം എന്ക്വയറിസെല്, സൈബര് ഡോം, സൈബര് പോലീസ് സ്റ്റേഷനുകള്, സൈബര് സെല് എന്നിവര്ക്കും ഇതിന് വേണ്ട നിര്ദ്ദേശം ഡിജിപി നല്കി.
