ന്യൂഡല്ഹി ഡിസംബര് 4: ചെന്നൈ ഐഐടിയില് ആത്മഹത്യ ചെയ്ത മലയാളി വിദ്യാര്ത്ഥി ഫാത്തിമ ലത്തീഫിന്റെ കുടുംബം ഇന്ന് പ്രധാനമന്ത്രി നരേന്ദ്രമോദിയെ സന്ദര്ശിക്കും. ഇതിനായി കുടുംബം ഡല്ഹിയിലെത്തിയെങ്കിലും കൂടിക്കാഴ്ചക്കുള്ള സമയത്തെ കുറിച്ച് വ്യക്തത വന്നിട്ടില്ല. എംപി എംകെ പ്രേമചന്ദ്രനും കുടുംബത്തിനൊപ്പം പ്രധാനമന്ത്രിയെ കാണും. അന്വേഷണത്തില് കേന്ദ്ര ഇടപെല് വേണമെന്നാണ് കുടുംബത്തിന്റെ ആവശ്യം.
കഴിഞ്ഞ മാസം ഒമ്പതിനാണ് ഫാത്തിമയെ ആത്മഹത്യ ചെയ്ത നിലയില് ഹോസ്റ്റല് മുറിയില് കണ്ടെത്തിയത്. മരണത്തില് ദുരൂഹതയുണ്ടെന്ന് കുടുംബം ആരോപിച്ചിട്ടുണ്ട്. ഫാത്തിമയുടെ മൊബൈല് ഫോണിലെ ആത്മഹത്യാക്കുറിപ്പ് ഫോറന്സിക് വിഭാഗം ഇന്നലെ സ്ഥിരീകരിച്ചിരുന്നു. ഫാത്തിമ മരിക്കുന്നതിന് മുമ്പ് എഴുതിയതാണ് രണ്ട് കുറിപ്പുകളും സ്ക്രീന്ഷോട്ടുമെന്ന് കോടതിയില് ഫോറന്സിക് വിഭാഗം റിപ്പോര്ട്ട് നല്കി. അധ്യാപകനായ സുദര്ശന് പത്മനാഭനാണ് മരണത്തിന് ഉത്തരവാദിയെന്നാണ് ആത്മഹത്യാക്കുറിപ്പില്.
