ന്യൂഡല്‍ഹി ആഗസ്റ്റ് 19: വിദേശകാര്യമന്ത്രി ഡോ എസ് ജയ്ശങ്കര്‍ ആഗസ്റ്റ് 21ന് നേപ്പാളിലേക്ക് പുറപ്പെടും. ആഗസ്റ്റ് 21, 22ന് നടക്കുന്ന നേപ്പാള്‍-ഇന്ത്യ ജോയിന്‍റ് കമ്മീഷന്‍റെ അഞ്ചാമത്തെ യോഗത്തില്‍ പങ്കെടുക്കാനായാണ് സന്ദര്‍ശനം.
ഡോ എസ് ജയ്ശങ്കര്‍ ആഗസ്റ്റ് 21ന് കാഠ്മണ്ഡുവിലെത്തും. ആഗസ്റ്റ് 22ന് ന്യൂഡല്‍ഹിയിലേക്ക് യാത്രയാകും. നേപ്പാള്‍ വിദേശകാര്യ മന്ത്രാലയം അറിയിച്ചു. നേപ്പാള്‍ വിദേശകാര്യമന്ത്രി പ്രദീപ് കുമാര്‍ ഗ്യാവാലിയും ജയ്ശങ്കറും യോഗത്തിന് അദ്ധ്യക്ഷത വഹിക്കും.
