തിരുവനന്തപുരം : ജില്ലയില് ഇന്നലെ (25 ഒക്ടോബര് 2020) 712 പേര്ക്കു കൂടി കോവിഡ് 19 സ്ഥിരീകരിച്ചു. 941 പേര് രോഗമുക്തരായി. നിലവില് 9,069 പേരാണു രോഗം സ്ഥിരീകരിച്ചു ചികിത്സയില് കഴിയുന്നത്. ജില്ലയില് ഏഴു പേരുടെ മരണം കോവിഡ് മൂലമാണെന്നു സ്ഥിരീകരിച്ചു.
കവടിയാര് സ്വദേശിനി വിജയമ്മ (59), പാച്ചല്ലൂര് സ്വദേശി സുബൈദ ബീവി (68), പേയാട് സ്വദേശി കൃഷ്ണന്കുട്ടി (72), ചിറയിന്കീഴ് സ്വദേശി ബാബു (66), നാവായിക്കുളം സ്വദേശി അശോകന് (60), സാരഥി നഗര് സ്വദേശി എ.ആര്. സലീം (60), മണക്കാട് സ്വദേശി അബ്ദുള് റസാഖ് (75) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്. രോഗം സ്ഥിരീകരിച്ചവരില് 559 പേര്ക്കു സമ്പര്ക്കത്തിലൂടെയാണു രോഗബാധയുണ്ടായത്. ഇതില് 15 പേര് ആരോഗ്യ പ്രവര്ത്തകരാണ്.
രോഗലക്ഷണങ്ങളെത്തുടര്ന്നു ജില്ലയില് 2,380 പേരെക്കൂടി നിരീക്ഷണത്തിലാക്കി. ഇവരടക്കം ആകെ 25,185 പേര് വീടുകളിലും 182 പേര് സ്ഥാപനങ്ങളിലും ക്വാറന്റൈനില് കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 2,061 പേര് രോഗലക്ഷണങ്ങളില്ലാതെ നിരീക്ഷണകാലം പൂര്ത്തിയാക്കി.
ബന്ധപ്പെട്ട രേഖ: https://keralanews.gov.in/8805/covid-19-:-Thiruvananthapuram-Report.html
