ടൂർ ഡി ഫ്രാൻസ് 2026: 3,333 കിലോമീറ്ററിലെ ലോകത്തിലെ ഏറ്റവും വലിയ സൈക്ലിംഗ് പോരാട്ടം

ലോകത്തിലെ ഏറ്റവും പ്രശസ്തമായ റോഡ് സൈക്ലിംഗ് മത്സരമായ ടൂർ ഡി ഫ്രാൻസിന്റെ 113-ാമത് മത്സരം ജൂലൈ 4-ന് ആരംഭിച്ചു. ജൂലൈ 26 വരെ നീളുന്ന മത്സരം ഇത്തവണ സ്പെയിനിലെ ബാഴ്സലോണയിൽ നിന്ന് ആരംഭിച്ച് പാരീസിൽ സമാപിക്കും. ആകെ 3,333 കിലോമീറ്റർ ദൈർഘ്യമുള്ള മത്സരം 21 ഘട്ടങ്ങളിലായാണ് നടക്കുന്നത്. ആദ്യ മൂന്ന് ഘട്ടങ്ങൾ സ്പെയിനിലും തുടർന്ന് ഫ്രാൻസിലുമായാണ് മത്സരം പുരോഗമിക്കുക.

സമ്മാനത്തുകയിൽ റെക്കോർഡ്; ലോകകപ്പിനെക്കാൾ വലിയ പ്രതിഫലം

ടൂർ ഡി ഫ്രാൻസ് വെറും അഭിമാനത്തിന്റെ പോരാട്ടമല്ല, വൻ സമ്മാനത്തുകയുടെയും വേദിയാണ്.

• ആകെ സമ്മാനത്തുക: ഏകദേശം 30.21 കോടി രൂപ
• ഓവറോൾ ചാമ്പ്യൻ: ഏകദേശം 5.45 കോടി രൂപ
• രണ്ടാം സ്ഥാനം: ഏകദേശം 2 കോടി രൂപ
• മൂന്നാം സ്ഥാനം: ഏകദേശം 1 കോടി രൂപ
• ഓരോ ഘട്ട വിജയിക്കും: ഏകദേശം 11 ലക്ഷം രൂപ

താരതമ്യപ്പെടുത്തുമ്പോൾ, സൈക്ലിംഗ് ലോകകപ്പിലെ വ്യക്തിഗത ഒന്നാം സമ്മാനത്തുക ഏകദേശം 8.7 ലക്ഷം രൂപ മാത്രമാണ്.

റൂട്ട്

• തുടക്കം: ബാഴ്സലോണ (സ്പെയിൻ)
• സമാപനം: പാരീസ് (ഫ്രാൻസ്)
• ആകെ ദൂരം: 3,333 കിലോമീറ്റർ
• ആകെ ഘട്ടങ്ങൾ: 21
• ആദ്യ മൂന്ന് ഘട്ടങ്ങൾ സ്പെയിനിൽ, തുടർന്ന് ഫ്രാൻസിലേക്ക് പ്രവേശനം.

ഘട്ടങ്ങളുടെ വിഭജനം

• 7 സമതല ഘട്ടങ്ങൾ
• 4 കുന്നിൻപ്രദേശ ഘട്ടങ്ങൾ
• 8 പർവതഘട്ടങ്ങൾ
• 1 ടീം ടൈം ട്രയൽ
• 1 വ്യക്തിഗത ടൈം ട്രയൽ

പ്രധാന മലനിരകളും കയറ്റങ്ങളും

2026 മത്സരത്തിലെ പ്രധാന മലനിരകൾ:

• പിറനീസ്
• മാസിഫ് സെൻട്രൽ
• വോസ്ജ്
• ജൂറ
• ആൽപ്സ്

പ്രധാന കയറ്റങ്ങൾ:

• കോൾ ദു ടൂർമലെ
• കോൾ ദു ഗാലിബിയെർ (2,642 മീറ്റർ – ഈ വർഷത്തെ ഏറ്റവും ഉയർന്ന സ്ഥലം)
• ആൽപ് ദ് ഹ്യൂസ്
• പ്ലാറ്റോ ഡി സൊലൈസോൺ
• കോൾ ദു സറെൻ (ആദ്യമായി ഉൾപ്പെടുത്തി)

ടൂർ നിർണയിക്കുന്ന എട്ട് പ്രധാന ഘട്ടങ്ങൾ

ഘട്ടം 1 – ബാഴ്സലോണ (19.6 കി.മീ.)

ടീം ടൈം ട്രയൽ

ടൂർ ആരംഭിക്കുന്നത് തന്നെ ടീം ടൈം ട്രയലിലൂടെയാണ്. ആദ്യ ദിവസം തന്നെ ടീമുകളുടെ ശക്തി വ്യക്തമാകുന്ന ഘട്ടമാണിത്.

ഘട്ടം 2 – ടാരഗോണ മുതൽ ബാഴ്സലോണ വരെ (168.5 കി.മീ.)

ആദ്യ റോഡ് സ്റ്റേജ്.

കടൽത്തീരത്തിലൂടെ ആരംഭിക്കുന്ന റൂട്ട് പിന്നീട് മലകയറ്റങ്ങളിലേക്ക് നീങ്ങും. മോൺജൂയിക് കയറ്റം അവസാനത്തിൽ മൂന്ന് തവണ കയറേണ്ടി വരും. ഒളിമ്പിക് സ്റ്റേഡിയത്തിനടുത്തുള്ള കുത്തനെയുള്ള കയറ്റത്തിലാണ് ഫിനിഷ്.

2024-ൽ ഇതേ സ്ഥലത്ത് ജയിച്ച തദെയ് പൊഗാചർ പ്രധാന ഫേവറിറ്റാണ്. റെംകോ ഇവൻപോൾ, പോൾ സെയ്ഷാസ് എന്നിവരും ശക്തമായ വെല്ലുവിളി ഉയർത്തുമെന്നാണ് വിലയിരുത്തൽ.

ഘട്ടം 6 – പോ മുതൽ ഗവാർണി-ജെദ്രെ വരെ (186 കി.മീ.)

പിറനീസ് മലനിരകളിലേക്കുള്ള ആദ്യ വലിയ പരീക്ഷണം.

• 4,150 മീറ്റർ ഉയരക്കയറ്റം
• അഞ്ച് വിഭാഗം മലകയറ്റങ്ങൾ
• പ്രശസ്തമായ കോൾ ദു ടൂർമലെ ആദ്യമായി കടക്കും

17.1 കിലോമീറ്റർ നീളവും 7.3 ശതമാനം ശരാശരി ചരിവുമുള്ള ടൂർമലെ കയറ്റം റൈഡർമാരുടെ കരുത്ത് പൂർണമായി പരീക്ഷിക്കും.

ഘട്ടം 9 – മാല്മോർട്ട് മുതൽ ഉസെൽ വരെ (185.5 കി.മീ.)

ആദ്യ വിശ്രമദിനത്തിന് മുമ്പുള്ള അവസാന സ്റ്റേജ്.

ചെറുതും കുത്തനെയുമായ കയറ്റങ്ങൾ നിറഞ്ഞ ഈ ഘട്ടം ക്ലാസിക്സ് സ്പെഷ്യലിസ്റ്റുകൾക്ക് അനുയോജ്യമാണ്. ജനറൽ ക്ലാസിഫിക്കേഷനിൽ വലിയ മാറ്റം പ്രതീക്ഷിക്കാത്തെങ്കിലും അപ്രതീക്ഷിത ആക്രമണങ്ങൾക്ക് സാധ്യതയുണ്ട്.

ഘട്ടം 10 – ഓറിലാക്ക് മുതൽ ലെ ലിയോറാൻ വരെ (166.6 കി.മീ.)

ബാസ്റ്റിൽ ദിനത്തിലെ പ്രത്യേക സ്റ്റേജ്.

• 3,900 മീറ്റർ ഉയരക്കയറ്റം
• ഏഴ് മലകയറ്റങ്ങൾ

പുയ് മേരി കയറ്റം മഞ്ഞ ജേഴ്സി പോരാട്ടത്തെ നിർണയിച്ചേക്കാവുന്ന പ്രധാന ഘട്ടമാണ്.

ഘട്ടം 14 – മുൽഹൗസ് മുതൽ ലെ മാർക്സ്റ്റൈൻ വരെ (155.3 കി.മീ.)

രണ്ടാം ആഴ്ചയിലെ ഏറ്റവും കഠിനമായ മലസ്റ്റേജ്.

3,800 മീറ്റർ ഉയരക്കയറ്റമുള്ള ഈ ഘട്ടത്തിൽ പുതുതായി ഉൾപ്പെടുത്തിയ കോൾ ദു ഹാഗ് കയറ്റമാണ് പ്രധാന ആകർഷണം.

ഘട്ടം 15 – ഷാംപന്യോൾ മുതൽ പ്ലാറ്റോ ഡി സൊലൈസോൺ വരെ (184 കി.മീ.)

ആൽപ്സിലെ ഏറ്റവും കഠിനമായ സമിറ്റ് ഫിനിഷുകളിൽ ഒന്ന്.

• 3,950 മീറ്റർ ഉയരക്കയറ്റം
• പ്ലാറ്റോ ഡി സൊലൈസോൺ അവസാന കയറ്റം – 11.3 കി.മീ., 9% ശരാശരി ചരിവ്

റേസിലെ ഏറ്റവും മികച്ച മലഫിനിഷുകളിലൊന്നായിരിക്കും ഇത്.

ഘട്ടം 20 – ലെ ബുർഗ് ഡി’ഒയ്സാൻ മുതൽ ആൽപ് ദ് ഹ്യൂസ് വരെ (171 കി.മീ.)

ടൂർ മുഴുവനിലെയും ഏറ്റവും കഠിനമായ ഘട്ടം.

• 5,600 മീറ്റർ ഉയരക്കയറ്റം
• മൂന്ന് Hors Catégorie മലകയറ്റങ്ങൾ
• കോൾ ദു ഗാലിബിയെർ (2,642 മീറ്റർ)
• കോൾ ദു സറെൻ
• ആൽപ് ദ് ഹ്യൂസ് ഫിനിഷ്

ടൂർ ജയിക്കാനോ നഷ്ടപ്പെടുത്താനോ ഉള്ള അവസാന വലിയ അവസരമാകും ഈ ഘട്ടം.

ഘട്ടം 21 – ത്വാറി മുതൽ പാരീസ് വരെ (130 കി.മീ.)

പരമ്പരാഗതമായി ആഘോഷയാത്രയായിരുന്ന അവസാന സ്റ്റേജ് ഇപ്പോൾ യഥാർഥ മത്സരമായി മാറിയിരിക്കുകയാണ്.

മോൺമാർത്രെയിലെ കല്ലുപാകിയ കയറ്റം ഉൾപ്പെടുത്തിയതോടെ അവസാന ദിനവും ആവേശകരമായി. 2025-ൽ ഇതേ ഫിനിഷിൽ വൗട്ട് വാൻ ആർട്ട് തദെയ് പൊഗാചറിനെ മറികടന്ന് സ്റ്റേജ് നേടിയിരുന്നു.

ഇത്തവണ ശ്രദ്ധിക്കേണ്ട പ്രധാന താരങ്ങൾ

• തദെയ് പൊഗാചർ – തുടർച്ചയായ അഞ്ചാം കിരീടം ലക്ഷ്യം
• ജോനാസ് വിങ്ഗെഗാർഡ്
• റെംകോ ഇവൻപോൾ
• ജുവാൻ ആയുസോ
• പോൾ സെയ്ഷാസ്

123 വർഷത്തെ ചരിത്രമുള്ള മത്സരം

ടൂർ ഡി ഫ്രാൻസ് ആദ്യമായി നടന്നത് 1903 ജൂലൈ 1-നാണ്.

2026-ൽ മത്സരത്തിന് 123 വർഷം പൂർത്തിയാകുന്നു. എന്നാൽ രണ്ട് ലോകമഹായുദ്ധങ്ങളിലായി ചില വർഷങ്ങളിൽ മത്സരം നടന്നിരുന്നില്ല. അതുകൊണ്ടാണ് ഇത്തവണ 113-ാമത് ടൂർ മാത്രമാകുന്നത്.

ആദ്യ ടൂറിൽ

• ആകെ ഘട്ടങ്ങൾ: 6
• ദൂരം: 2,428 കിലോമീറ്റർ
• മത്സരാർഥികൾ: 60
• ആദ്യ ജേതാവ്: മോറീസ് ഗാരിൻ

ആകെ സമ്മാനത്തുക ഇന്നത്തെ മൂല്യത്തിൽ ഏകദേശം 20–25 ലക്ഷം രൂപ മാത്രമായിരുന്നു.

ഒരു പത്രത്തിന്റെ വിൽപ്പന കൂട്ടാൻ തുടങ്ങിയ മത്സരം

ടൂർ ഡി ഫ്രാൻസിന്റെ ജനനത്തിന് പിന്നിൽ കായികമത്സരമല്ല, പത്രവിപണിയിലെ മത്സരം തന്നെയായിരുന്നു.

കായികദിനപത്രമായ L’Autoയുടെ എഡിറ്റർ ഹെൻറി ഡെസ്ഗ്രാങ്ജും പത്രപ്രവർത്തകൻ ജിയോ ലഫേവറും ചേർന്നാണ് രാജ്യം മുഴുവൻ ചുറ്റുന്ന സൈക്കിൾ മത്സരം എന്ന ആശയം മുന്നോട്ടുവച്ചത്.

എതിരാളിയായ Le Vélo പത്രത്തെ പിന്നിലാക്കുക എന്ന ലക്ഷ്യമായിരുന്നു ഇതിന് പിന്നിൽ.

ടൂർ മാറ്റിമറിച്ച പത്രചരിത്രം

മത്സരം തുടങ്ങുന്നതിന് മുമ്പ് L’Autoയുടെ പ്രതിദിന വിൽപ്പന ഏകദേശം 25,000 കോപ്പികളായിരുന്നു.

ആദ്യ ടൂർ കഴിഞ്ഞപ്പോൾ അത് 65,000 കോപ്പിയായി.

അവസാന ദിവസത്തെ പ്രത്യേക പതിപ്പ് 1.30 ലക്ഷം കോപ്പികൾ വിറ്റു.

പിന്നീട്

• 1908 – 2.5 ലക്ഷത്തിലധികം
• 1923 – ഏകദേശം 5 ലക്ഷം
• 1933 – ടൂർ സമയത്ത് 8.5 ലക്ഷത്തിലധികം കോപ്പികൾ

എന്നിങ്ങനെ വിൽപ്പന ഉയർന്നു.

1900-ൽ ആരംഭിച്ച L’Auto പത്രം രണ്ടാം ലോകമഹായുദ്ധകാലത്ത് നാസി ഭരണകൂടവുമായി സഹകരിച്ചെന്ന ആരോപണത്തെ തുടർന്ന് 1944-ൽ ഫ്രഞ്ച് സർക്കാർ അടച്ചുപൂട്ടി.

ഇന്ന് Amaury Sport Organisation (ASO) ആണ് ടൂർ ഡി ഫ്രാൻസ് സംഘടിപ്പിക്കുന്നത്.

മഞ്ഞ ജേഴ്സിയുടെ പിന്നിലെ കഥ

ടൂർ ഡി ഫ്രാൻസിൽ ഏറ്റവും വലിയ ബഹുമതിയായി കണക്കാക്കുന്നത് മഞ്ഞ ജേഴ്സിയാണ്.

അതിന് പിന്നിലും പത്രചരിത്രമുണ്ട്.

Le Vélo പച്ച നിറമുള്ള പേപ്പറിലാണ് അച്ചടിച്ചിരുന്നത്. അതിൽ നിന്ന് വ്യത്യസ്തമാക്കാൻ L’Auto മഞ്ഞ പേപ്പറാണ് ഉപയോഗിച്ചത്.

പിന്നീട് ടൂറിലെ Yellow Jersey ആ മഞ്ഞ പത്രത്തിൽ നിന്നാണ് പ്രചോദനം ഉൾക്കൊണ്ടതെന്നാണ് ചരിത്രകാരന്മാർ വിലയിരുത്തുന്നത്.

ടൂർ ഡി ഫ്രാൻസിലെ നാല് പ്രധാന ജേഴ്സികൾ

• മഞ്ഞ ജേഴ്സി (Yellow Jersey) – ആകെ സമയത്തിൽ മുന്നിലുള്ള റൈഡർ
• പച്ച ജേഴ്സി (Green Jersey) – പോയിന്റ് വിഭാഗത്തിലെ ഒന്നാം സ്ഥാനം
• ചുവന്ന പൊട്ടുകളുള്ള വെള്ള ജേഴ്സി (Polka Dot Jersey) – മികച്ച മലകയറ്റക്കാരൻ
• വെള്ള ജേഴ്സി (White Jersey) – 25 വയസ്സിൽ താഴെയുള്ള മികച്ച റൈഡർ

അഭിമാനത്തിന്റെ പര്യായം

സമ്മാനത്തുകയേക്കാൾ വലിയ അംഗീകാരമാണ് ടൂർ ഡി ഫ്രാൻസിലെ വിജയം. മഞ്ഞ ജേഴ്സി ധരിച്ച് പാരീസിലെത്തുക എന്നത് ലോകത്തിലെ ഓരോ പ്രൊഫഷണൽ സൈക്ലിസ്റ്റിന്റെയും ഏറ്റവും വലിയ സ്വപ്നമായാണ് ഇന്നും കണക്കാക്കപ്പെടുന്നത്.