വാൻകൂവർ | ജൂൺ 24, 202652,497 കാണികളെ സാക്ഷി നിർത്തി, ആതിഥേയരായ കാനഡയുടെ നെഞ്ചത്ത് കയറി നിന്ന് സ്വിറ്റ്സർലൻഡ് ഗ്രൂപ്പ് ചാമ്പ്യൻമാരായി.

2-1 ന് ജയിച്ചെങ്കിലും രണ്ട് ടീമും നോക്കൗട്ടിൽ –

പക്ഷേ കഥ അതല്ല, കളിയാണ്. ആദ്യ പകുതി: ചെസ്സ് കളി, ശ്വാസം മുട്ടൽ. തണുത്ത വാൻകൂവർ രാത്രി, പക്ഷേ കളിക്കളം ചൂട്. മുറാത് യാകിന്റെ സ്വിസ് പട 70% ബോൾ കൈവശം വെച്ച് കളി നിയന്ത്രിച്ചു. ഷാക്കയും അകാൻജിയും മിഡ്ഫീൽഡിൽ നൂൽപ്പാലം തീർത്തു.11-ാം മിനിറ്റ് – നെഞ്ചിടിപ്പ്: ബ്രീൽ എംബോളോ ബോക്സിൽ. ഒറ്റയ്ക്ക്. ഷോട്ട്. പക്ഷേ ഗോളി മാക്സിം ക്രെപ്യൂ ഒരു പുലിച്ചാട്ടം! റീബൗണ്ട് മൻസാംബിയുടെ നെഞ്ചത്ത്. കനേഡിയൻ പ്രതിരോധം ഉരുക്ക്.

32-ാം മിനിറ്റ് – കൈയ്യാങ്കളി:

ഗ്രാനിറ്റ് ഷാക്കയും സൈൽ ലാരിനും ഫ്രീകിക്കിന്റെ പേരിൽ ഉന്തും തള്ളും. രണ്ട് പേർക്കും മഞ്ഞക്കാർഡ്. കളി വഴക്കിന്റെ വക്കിൽ.ആദ്യ പകുതി 0-0. ബോറടിച്ചോ? ഇല്ല , കൊടുങ്കാറ്റിന് മുന്നുള്ള ശാന്തത ആയിരുന്നു അത്.

രണ്ടാം പകുതി:

57 മിനിറ്റ്, രണ്ട് ഗോൾ, സ്വിസ് ഷോക്ക്!റഫറി വിസിൽ ഊതി 40 സെക്കൻഡ്. അത്രേ വേണ്ടി വന്നുള്ളൂ BC Place നിശബ്ദമാക്കാൻ.46-ാം മിനിറ്റ് – ഇടിമിന്നൽ: 20-കാരൻ ജോഹാൻ മൻസാംബി വലത് വിംഗിൽ കാറ്റ് പോലെ. ലോ ക്രോസ്. റൂബൻ വർഗാസ് കനേഡിയൻ പ്രതിരോധം ഉറങ്ങുന്നത് നോക്കി നിന്നു. ഒറ്റ ടച്ച്, ഒറ്റ ഷോട്ട്. നിയർ പോസ്റ്റിൽ കൂടി വലകുലുക്കി. 1-0! ആതിഥേയർ ഞെട്ടി.

57-ാം മിനിറ്റ് –

കുത്ത്: കാനഡ ഷോക്കിൽ നിന്ന് കരകയറും മുന്നേ അടുത്ത പ്രഹരം. കനേഡിയൻ ഡിഫൻസിന്റെ പിഴവ്. മൻസാംബി പന്ത് റാഞ്ചി. താഴെ മൂലയിലേക്ക് ഒരു പ്ലേസിംഗ്. ക്രെപ്യൂ നോക്കി നിന്നു. 2-0! വാൻകൂവർ ശ്മശാന മൂകം.

76-ാം മിനിറ്റ് –

പ്രതീക്ഷയുടെ തിരി: പ്രോമിസ് വന്നു, പ്രോമിസ് പാലിച്ചു. ജെസ്സി മാർഷ് കളി കൈവിട്ടു എന്ന് കരുതി. പക്ഷേ പകരക്കാരൻ പ്രോമിസ് ഡേവിഡ് വന്നതും കളി മാറി. ആദ്യ ടച്ചിൽ തന്നെ വോളി! വലയുടെ മേൽക്കൂരയിൽ പന്ത് ചെന്ന് തറച്ചു. 2-1! BC Place ഇളകിമറിഞ്ഞു! “കാനഡ! കാനഡ!” വിളികൾ ആകാശം മുട്ടെ.

അവസാന 15 മിനിറ്റ്:

നെഞ്ചിടിപ്പിന്റെ ഉത്സവം. പിന്നെ കണ്ടത് ശുദ്ധ ഭ്രാന്ത്. അലിസ്റ്റർ ജോൺസ്റ്റൺ ഹെഡ്ഡർ. ഡെറക് കോർണേലിയസ് ക്ലോസ് റേഞ്ച് ഷോട്ട്. കാനഡ ആഞ്ഞടിച്ചു. പക്ഷേ സ്വിസ് ഗോളി ഗ്രിഗർ കോബൽ ഒരു മതിൽ പോലെ നിന്നു. ഇഞ്ചുറി ടൈമിൽ ഒരു ഗോൾ ലൈൻ സേവ് കൂടി. കാനഡയുടെ ഹൃദയം തകർത്ത സേവ്. ഫുൾ ടൈം വിസിൽ. സ്വിറ്റ്സർലൻഡ് 2 – 1 കാനഡ.

കളിക്ക് ശേഷം:

രണ്ട് പേരും ജയിച്ചുസ്വിറ്റ്സർലൻഡ്: 7 പോയിന്റുമായി ഗ്രൂപ്പ് B ചാമ്പ്യൻമാർ. നോക്കൗട്ടിൽ വാൻകൂവറിൽ തന്നെ. തുടർച്ചയായി നാലാം തവണ ലോകകപ്പ് നോക്കൗട്ടിൽ. കോച്ച് യാകിൻ: “ഇനി സാൻ ഡീഗോയിൽ പോയി കുടുംബത്തോടൊപ്പം ആഘോഷിക്കും. വിവരങ്ങൾ ശരിയാക്കാൻ ഒരാഴ്ച ഉണ്ട്”.

കാനഡ: തോറ്റെങ്കിലും ചരിത്രം കുറിച്ചു.

ആദ്യമായി ലോകകപ്പ് നോക്കൗട്ടിൽ! 4 പോയിന്റുമായി ഗ്രൂപ്പ് രണ്ടാമൻമാർ. 1994-ൽ അമേരിക്കയ്ക്ക് ശേഷം 4 പോയിന്റുമായി നോക്കൗട്ടിൽ കടക്കുന്ന ആദ്യ ആതിഥേയർ. അടുത്ത കളി ലോസ് ആഞ്ചലസിൽ. കണക്കുകൾ പറയും കഥ: സ്വിസ് പൊസഷൻ 55%, ഷോട്ട് 6, ഓൺ ടാർഗറ്റ് 4. കാനഡ ഷോട്ട് 13, ഓൺ ടാർഗറ്റ് 7. പക്ഷേ ജയിച്ചത് സ്വിസ് കൃത്യത. ഇസ്മായേൽ കോനെ കാൽ ഒടിഞ്ഞ് വീൽചെയറിൽ വന്നത് കണ്ട് BC Place എഴുന്നേറ്റ് നിന്ന് കൈയ്യടിച്ചു. ഫുട്ബോളിന്റെ മനുഷ്യത്വം. ചുരുക്കം: സ്വിസ് വാച്ച് പോലെ കൃത്യതയുള്ള കളി. കനേഡിയൻ മാപ്പിൾ ഇല പോലെ വീറുള്ള പോരാട്ടം. ലോകകപ്പ് ഇതാണ്  – വിയർപ്പും കണ്ണീരും ആവേശവും