കൊച്ചി: കൊച്ചി നഗരത്തെ ബാധിക്കാതെ കേന്ദ്ര ട്രേഡ് യൂണിയനുകള് പ്രഖ്യാപിച്ച 24 മണിക്കൂര് പണിമുടക്ക്. സ്വകാര്യ വാഹനങ്ങളുടെ തിരക്കാണ് നഗരത്തിലെ റോഡുകളില്. കൊച്ചി മെട്രോയും വാട്ടര് മെട്രോയും സര്വീസ് നടത്തുന്നുണ്ട്. സര്ക്കാര് ഓഫീസുകളും വിദ്യാഭ്യാസ സ്ഥാപനങ്ങളും പൊതുഗതാഗതവും ഇല്ലാത്തതിനാല് അവധി മൂഡിലാണ് കൊച്ചി . എന്നാല് എയര്പോര്ട്ട് വരെ മാത്രമുള്ള മെട്രോ ഫീഡര് ബസുകളേ ഇന്ന് സര്വീസ് നടത്തുന്നുള്ളു. ഊബര് ടാക്സികളും സര്വീസ് നടത്തുന്നുണ്ട്. മെഡിക്കല് ഷോപ്പുകള് കൂടാതെ ചായക്കടകളും ഹോട്ടലുകളും നഗരത്തില് തുറന്നു പ്രവര്ത്തിക്കുന്നുണ്ട്. കൊച്ചിയില് ഐടി ജീവനക്കാരും മറ്റ് ഓഫീസുകളും പ്രവര്ത്തിക്കുന്നുണ്ട്.
ഫെബ്രുവരി 11 ബുധനാഴ്ച അര്ധരാത്രി മുതല് 12 വ്യാഴാഴ്ച അര്ധരാത്രി വരെയാണ് പണിമുടക്ക്.
അതേസമയം, കേന്ദ്ര-സംസ്ഥാന സര്ക്കാരുകളുടെ വിവിധ നയങ്ങള്ക്കെതിരെ പത്തു കേന്ദ്ര ട്രേഡ് യൂണിയനുകള് സംയുക്തമായാണ് 24 മണിക്കൂര് പണിമുടക്ക് പ്രഖ്യാപിച്ചത്. 2026 ഫെബ്രുവരി 11 ബുധനാഴ്ച അര്ധരാത്രി മുതല് 12 വ്യാഴാഴ്ച അര്ധരാത്രി വരെയാണ് പണിമുടക്ക്. കേരളത്തില് ഭരണ-പ്രതിപക്ഷ അനുകൂല സംഘടനകള് പണിമുടക്കിന് പിന്തുണ നല്കുന്നുണ്ട്.
