കൊച്ചി: തടവുകാരുടെ വേതനം വര്ധിപ്പിക്കാനുള്ള തീരുമാനം പിൻവലിക്കണമെന്ന് ആവശ്യപ്പെട്ട് നൽകിയ പൊതുതാല്പര്യ ഹർജി ഹൈക്കോടതി തള്ളി. വേതന വര്ധനവ് സര്ക്കാരിന്റെ നയപരമായ തീരുമാനമാണ്.ഹര്ജി പരിഗണിക്കാന് മതിയായ കാരണങ്ങളില്ലെന്നും ചീഫ് ജസ്റ്റീസ് അധ്യക്ഷനായ ബെഞ്ച് ചൂണ്ടിക്കാണിച്ചു.
ജയില് അന്തേവാസികളുടെ അന്തസും പുനരധിവാസവും ഉറപ്പാക്കുന്ന നടപടിയെന്ന് സര്ക്കാര്
വേതന വര്ദ്ധന കേവലം സാമ്പത്തിക വിഷയം മാത്രമല്ലെന്ന് സര്ക്കാര് ഹൈക്കോടതിയില് വാദിച്ചു. ജയില് അന്തേവാസികളുടെ അന്തസും പുനരധിവാസവും ഉറപ്പാക്കുന്ന നടപടിയാണിതെന്നും സര്ക്കാര് വ്യക്തമാക്കി. ഏഴ് വര്ഷത്തിന് ശേഷമാണ് തടവുകാരുടെ വേതനത്തില് വര്ധനവ് വരുത്തിയിരിക്കുന്നത്. സ്കില്ഡ് ജോലികളില് ഏര്പ്പെടുന്നവര്ക്ക് 620 രൂപയാണ് പുതുക്കിയ വേതനം. സെമി സ്കില്ഡ് ജോലികളില് 560 രൂപയും അണ് സ്കില്ഡ് ജോലികളില് 530 രൂപയുമാണ് പരിഷ്കരിച്ച തുക.
