ന്യൂഡൽഹി: താന് അവസരങ്ങള്ക്ക് വേണ്ടി കടിപിടി കൂടുന്നയാളല്ലെന്നും പാര്ട്ടിക്ക് വേണ്ടി ചെയ്യുന്ന ഒരു കാര്യവും ത്യാഗമല്ലെന്നും എഐസിസി ജനറൽ സെക്രട്ടറി കെ.സി. വേണുഗോപാൽ. പാര്ട്ടിയില്ലെങ്കില് നേതാവില്ലെന്നും വേണുഗോപാൽ പറഞ്ഞു. കേരളത്തിൽ ആര് മുഖ്യമന്ത്രി ആകുമെന്ന കാര്യത്തെ ചൊല്ലി കോണ്ഗ്രസില് തർക്കമില്ലെന്നും എന്നാൽ നേതാക്കൾ മുഖ്യമന്ത്രി സ്ഥാനം ആഗ്രഹിക്കുന്നതില് തെറ്റില്ലെന്നും വേണുഗോപാൽ പറഞ്ഞു. ആർക്ക് വേണമെങ്കിലും ക്ലെയിം ഉന്നയിക്കാമെന്നും അദ്ദേഹം കൂട്ടിച്ചേർത്തു.
പഴയ ആളുകളെ മാറ്റി നിര്ത്തില്ല.
എംപിമാര് മത്സരിക്കണോയെന്ന് തീരുമാനിക്കേണ്ടത് കേന്ദ്ര തെരഞ്ഞെടുപ്പ് സമിതി ആണ്. പഴയ ആളുകളെ മാറ്റി നിര്ത്തില്ല. അനുഭവ സമ്പത്തും യുവത്വവുമായിരിക്കും ഘടകങ്ങള് എന്നും വേണുഗോപാൽ പറഞ്ഞു.അതേസമയം, രാഹുല് മാങ്കൂട്ടത്തില് വിവാദത്തിൽ പി.ജെ. കുര്യനെ കെസി വേണുഗോപാല് തള്ളി. എത്ര ഉന്നത നേതാവായാലും സ്ഥാനാര്ഥി നിര്ണയം പൊതു ചര്ച്ചകളിലേക്ക് കൊണ്ടുവരരുത് എന്നാണ് കെ.സി. വേണുഗോപാൽ പറഞ്ഞത്.
