സ്ഥിതിവിവരക്കണക്ക് മന്ത്രാലയവും ഗ്രാമും ചേർന്ന് വികസന ഫെലോഷിപ്പിന് ധാരണാപത്രത്തിൽ ഒപ്പുവെച്ചു

ന്യൂഡൽഹി, 2026 ജൂൺ 25 

സ്ഥിതിവിവരക്കണക്ക്, പദ്ധതി നിർവഹണ മന്ത്രാലയവും ഗ്രാമും എന്ന സ്ഥാപനവും ചേർന്ന് വികസന ഫെലോഷിപ്പ് പദ്ധതിക്കായി ധാരണാപത്രത്തിൽ ഒപ്പുവെച്ചു. രണ്ട് ഫെലോകളെ പദ്ധതിയുടെ ഭാഗമായി നിയോഗിക്കാനാണ് തീരുമാനം. വ്യാഴാഴ്ച ന്യൂഡൽഹിയിലാണ് ധാരണാപത്രം ഒപ്പുവെച്ചത്.

ചടങ്ങിൽ മന്ത്രാലയത്തിലെ വിവരഭരണ വിഭാഗം ഡയറക്ടർ ജനറൽ പി. ആർ. മേശ്രാം പങ്കെടുത്തു. ഗ്രാമിന്റെ എക്സിക്യൂട്ടീവ് ഡയറക്ടർ ഡോക്ടർ ബസവരാജു ആർ. ശ്രേഷ്ഠയും മന്ത്രാലയത്തിലെ പരിശീലന വിഭാഗം ഡയറക്ടർ പ്രസൂൺ വർമയും ചേർന്നാണ് ധാരണാപത്രത്തിൽ ഒപ്പുവെച്ചത്. ഗവേഷണത്തിൽ താൽപര്യമുള്ളവരെ മന്ത്രാലയത്തോടൊപ്പം പ്രവർത്തിക്കാൻ അവസരം നൽകുകയാണ് ഈ സംരംഭത്തിന്റെ ലക്ഷ്യം. പുതിയതും നിലവിലുള്ളതുമായ പദ്ധതികൾക്ക് പിന്തുണ നൽകാനും ഗവേഷണത്തിന്റെ സഹായത്തോടെ പുതിയ ആശയങ്ങൾ മുന്നോട്ടുവയ്ക്കാനും വികസനം, ശേഷി വർധന, ഭരണം എന്നിവയുമായി ബന്ധപ്പെട്ട വെല്ലുവിളികൾക്ക് പരിഹാരം കണ്ടെത്താനും ഫെലോകൾ പ്രവർത്തിക്കും.

മന്ത്രാലയത്തിനും ഫെലോകൾക്കും ഒരുപോലെ പ്രയോജനപ്പെടുന്ന സഹകരണ വേദിയായാണ് ഈ പദ്ധതി അവതരിപ്പിച്ചിരിക്കുന്നത്. പൊതുനയം, ഭരണ സംവിധാനം എന്നിവയിൽ പ്രായോഗിക പരിചയം നേടാൻ ഫെലോകൾക്ക് ഇതിലൂടെ അവസരം ലഭിക്കും. അതേസമയം അവരുടെ കഴിവുകൾ മന്ത്രാലയത്തിന്റെ പ്രവർത്തനങ്ങൾക്ക് ഉപയോഗപ്പെടുത്താനുമാണ് ലക്ഷ്യമിടുന്നത്