നിയമ-നീതി മന്ത്രാലയത്തിന്റെ നിയമനിർമാണ വകുപ്പ് അന്താരാഷ്ട്ര യോഗ ദിനം ആചരിച്ചു

ന്യൂഡൽഹി, 2026 ജൂൺ 21

പന്ത്രണ്ടാമത് അന്താരാഷ്ട്ര യോഗ ദിനത്തോടനുബന്ധിച്ച് നിയമ-നീതി മന്ത്രാലയത്തിന്റെ നിയമനിർമാണ വകുപ്പ് ന്യൂഡൽഹിയിലെ ശാസ്ത്രി ഭവൻ സമുച്ചയത്തിൽ യോഗ സെഷൻ സംഘടിപ്പിച്ചു. ജൂൺ 21-നാണ് പരിപാടി നടന്നത്. നിയമനിർമാണ വകുപ്പിലെയും നിയമകാര്യ വകുപ്പിലെയും ഉദ്യോഗസ്ഥരും ജീവനക്കാരും പരിപാടിയിൽ പങ്കെടുത്തു.

മൊറാർജി ദേശായി ദേശീയ യോഗ സ്ഥാപനത്തിലെ വിദഗ്ധരാണ് യോഗ സെഷന് നേതൃത്വം നൽകിയത്. വിവിധ യോഗാസനങ്ങളും അവ ശരിയായ രീതിയിൽ ചെയ്യേണ്ട രീതികളും വിദഗ്ധർ പങ്കെടുത്തവർക്കു വിശദീകരിച്ചു. നിയമനിർമാണ വകുപ്പിന്റെയും നിയമകാര്യ വകുപ്പിന്റെയും സെക്രട്ടറി ഡോ. രാജീവ് മണിയുടെ നേതൃത്വത്തിലായിരുന്നു പരിപാടി. ഔദ്യോഗിക ഭാഷാ വിഭാഗവും വിധി സാഹിത്യ പ്രസാധനവുമായി ബന്ധപ്പെട്ട ജീവനക്കാരും സജീവമായി പങ്കാളികളായി. യോഗ വിദഗ്ധരുടെ സേവനത്തെ അഭിനന്ദിച്ച ഡോ. രാജീവ് മണി, ശാരീരികവും മാനസികവും വൈകാരികവുമായ ആരോഗ്യത്തിനായി യോഗം ദൈനംദിന ജീവിതത്തിന്റെ ഭാഗമാക്കേണ്ടതിന്റെ പ്രാധാന്യം ചൂണ്ടിക്കാട്ടി.

ആരോഗ്യകരമായ ജീവിതശൈലി പ്രോത്സാഹിപ്പിക്കുകയും യോഗത്തിന്റെ പ്രാധാന്യത്തെക്കുറിച്ചുള്ള അവബോധം വർധിപ്പിക്കുകയും ചെയ്യുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. സൗഹാർദം വളർത്തുന്നതിനും ഉൽപ്പാദനക്ഷമത മെച്ചപ്പെടുത്തുന്നതിനും സുസ്ഥിര വികസനത്തെ പിന്തുണയ്ക്കുന്നതിനുമുള്ള യോഗത്തിന്റെ പങ്കും പരിപാടിയിൽ എടുത്തുകാട്ടി. വിദഗ്ധരുടെ മാർഗനിർദേശത്തിൽ യോഗാസനങ്ങളും ശ്വസന വ്യായാമങ്ങളും ചെയ്ത പങ്കെടുത്തവർ യോഗത്തെ ജീവിതശൈലിയായി സ്വീകരിക്കാനുള്ള പ്രതിബദ്ധതയും ആവർത്തിച്ചു.