ക്ഷേത്രത്തിലെ കാണിക്കവഞ്ചി തകർത്ത് മോഷണം; പ്രതി പിടിയിൽ

തിരുവനന്തപുരം, 2026 ജൂൺ 12 –

നെയ്യാറ്റിൻകരയിലെ ഒരു ക്ഷേത്രത്തിൽ മോഷണം നടത്തിയ ആളെ പൊലീസ് പിടികൂടി. മാറനല്ലൂർ സ്വദേശി മണിച്ചൻ എന്ന പ്രശാന്താണ് അറസ്റ്റിലായത്. മുല്ലറവിള കല്ലുപാലം ശ്രീകണ്ഠ ശാസ്താ ക്ഷേത്രത്തിലായിരുന്നു കഴിഞ്ഞ ദിവസം പുലർച്ചെ മോഷണം നടന്നത്. വൈകുന്നേരം പൂജാരി ക്ഷേത്രത്തിലെത്തിയപ്പോഴാണ് കാണിക്കവഞ്ചി തകർത്ത നിലയിൽ കണ്ടെത്തിയത്.

തുടർന്ന് ക്ഷേത്രത്തിലെ ദൃശ്യങ്ങൾ പരിശോധിച്ചപ്പോൾ പ്രതി ക്ഷേത്രത്തിലേക്ക് പ്രവേശിക്കുന്നതും പൂട്ട് പൊളിച്ച് പണവുമായി മടങ്ങുന്നതും വ്യക്തമായി കണ്ടെത്തി. ചൊവ്വാഴ്ച പുലർച്ചെ നാലുമണിയോടെയാണ് പ്രതി ക്ഷേത്രത്തിലെത്തിയത്. സിസിടിവി ശ്രദ്ധിക്കാതെയാണ് ഇയാൾ ക്ഷേത്രവളപ്പിലേക്ക് കടന്നത്. ഇതുമൂലം പ്രതിയുടെ മുഖം ഉൾപ്പെടെയുള്ള ദൃശ്യങ്ങൾ വ്യക്തമായി ലഭിച്ചു.

ക്ഷേത്ര ഭാരവാഹികൾ സിസിടിവി ദൃശ്യങ്ങൾ സഹിതം നെയ്യാറ്റിൻകര പൊലീസിൽ പരാതി നൽകിയതിനെ തുടർന്നാണ് അന്വേഷണം ആരംഭിച്ചത്. തുടർന്ന് പെരുമ്പഴുതൂരിൽ നിന്ന് പ്രശാന്തിനെ പൊലീസ് പിടികൂടി. ദൃശ്യങ്ങൾ കണ്ടപ്പോൾ തന്നെ പൊലീസിന് പ്രതിയെ തിരിച്ചറിയാൻ കഴിഞ്ഞിരുന്നു. ഇയാൾക്കെതിരെ മറ്റ് മോഷണക്കേസുകളും നിലവിലുണ്ടെന്ന് പൊലീസ് അറിയിച്ചു.