പാറശാല, 2026 ജൂൺ 12 –
കവി ചങ്ങമ്പുഴ കൃഷ്ണപിള്ളയുടെ സ്മരണാർത്ഥം അനുസ്മരണ സമിതി ഏർപ്പെടുത്തിയ കവിതാപുരസ്കാരം കവിത വിശ്വനാഥിന്റെ “അക്ഷി” എന്ന കവിതാസമാഹാരത്തിന് ലഭിച്ചു. പതിനായിരം രൂപയും ശിൽപവും അടങ്ങുന്നതാണ് പുരസ്കാരം.
ചങ്ങമ്പുഴയുടെ ചരമദിനമായ ജൂൺ 17-ന് വൈകുന്നേരം മൂന്ന് മണിക്ക് തൃശൂർ സാഹിത്യ അക്കാദമിയിലെ ചങ്ങമ്പുഴ ഹാളിൽ നടക്കുന്ന സാഹിത്യ സംഗമത്തിലാണ് പുരസ്കാര വിതരണം നടക്കുക. സാഹിത്യ മേഖലയിലെ ശ്രദ്ധേയമായ സംഭാവനകളെ മാനിച്ചാണ് പുരസ്കാരം സമ്മാനിക്കുന്നത്.
സിനിമാ പ്രവർത്തക കൂടിയായ കവിത വിശ്വനാഥ് അയണിമൂട് സ്വദേശിയാണ്. “അക്ഷി” എന്ന കവിതാസമാഹാരത്തിനാണ് ഇത്തവണത്തെ അംഗീകാരം ലഭിച്ചിരിക്കുന്നത്.
