കോഴിക്കോട്, 2026 ജൂൺ 6 –

കോഴിക്കോട് മാവൂർ റോഡിൽ നടന്ന അപകടത്തിൽ സ്കൂട്ടർ യാത്രക്കാരനായ യുവാവ് മരിച്ചു. മായനാട്ടിൽ ഉണ്ടായ വാഹനാപകടത്തിൽ മരിച്ചത് മേലേതട്ടാരി ഷബീറിന്റെ മകൻ അലി അഫാനാണ്. അഫാൻ ഓടിച്ചിരുന്ന സ്കൂട്ടർ നിയന്ത്രണംവിട്ട് ബസിലേക്ക് ഇടിച്ചുകയറിയതായാണ് നാട്ടുകാർ പറയുന്നത്. അപകടത്തിന്റെ ദൃശ്യങ്ങൾ നിരീക്ഷണ ക്യാമറയിലും പതിഞ്ഞിട്ടുണ്ട്.

അപകടസമയത്ത് സ്കൂട്ടർ നിയന്ത്രണം നഷ്ടപ്പെട്ട് ബസിലേക്ക് പോകുന്നതാണ് ദൃശ്യങ്ങളിൽ കാണുന്ന്ത്. ഇടിയുടെ ആഘാതത്തിൽ അലി അഫാന് ഗുരുതര പരിക്കേറ്റു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

അപകടത്തിന്റെ കൃത്യമായ കാരണം കണ്ടെത്താൻ പൊലീസ് അന്വേഷണം തുടരുകയാണ്. നാട്ടുകാരുടെ മൊഴികളും ലഭ്യമായ ദൃശ്യങ്ങളും പരിശോധിച്ചാണ് തുടർനടപടികൾ സ്വീകരിക്കുന്നത്. അലി അഫാന്റെ അപ്രതീക്ഷിത മരണം പ്രദേശത്ത് വലിയ ദുഃഖത്തിനിടയാക്കിയിരിക്കുകയാണ്.