പു​ള്ളി​പ്പു​ലി​യു​ടെ ആ​ക്ര​മ​ണ​ത്തി​ൽ നാ​ല് വ​യ​സുകാരിക്ക് ദാരുണാന്ത്യം

ഡെ​റാ​ഡൂ​ൺ: ഉ​ത്ത​രാ​ഖ​ണ്ഡി​ലെ പൗ​രി ജി​ല്ല​യി​ൽ പു​ള്ളി​പ്പു​ലി​യു​ടെ ആ​ക്ര​മ​ണ​ത്തി​ൽ നാ​ല് വ​യ​സു​ള്ള പെ​ൺ​കു​ട്ടി കൊ​ല്ല​പ്പെ​ട്ടു.ദൃ​ഷ്ടി റാ​വ​ത്ത് എ​ന്ന കു​ട്ടി​യാ​ണ് മ​രി​ച്ച​ത്. 2026 ഏപ്രിൽ 2 വ്യാ​ഴാ​ഴ്ച രാ​ത്രി പൊ​ഖ്ര പ്ര​ദേ​ശ​ത്തെ ഭ​ട്കോ​ട്ട് ഗ്രാ​മ​ത്തി​ലാ​ണ് സം​ഭ​വം. വീ​ട്ടി​ൽ സ​ഹോ​ദ​രി​ക്കും മു​ത്ത​ശി​ക്കു​മൊ​പ്പം ഭ​ക്ഷ​ണം ക​ഴി​ക്കു​ന്ന​തി​നി​ടെ ഇ​വി​ടേ​ക്കെ​ത്തി​യ പു​ള്ളി​പ്പു​ലി കു​ട്ടി​യെ ക​ടി​ച്ചു​വ​ലി​ച്ച് കാ​ട്ടി​ലേ​ക്ക് പോ​വു​ക​യാ​യി​രു​ന്നു.

പ്ര​കോ​പി​ത​രാ​യ ഗ്രാ​മ​വാ​സി​ക​ൾ പ്ര​തി​ഷേ​ധ പ്ര​ക​ട​നം ന​ട​ത്തി.

സം​ഭ​വ​ത്തെ​ത്തു​ട​ർ​ന്ന് ഗ്രാ​മ​വാ​സി​ക​ൾ തി​ര​ച്ചി​ൽ ന​ട​ത്തി. തു​ട​ർ​ന്ന് വീ​ട്ടി​ൽ നി​ന്ന് ര​ണ്ട് കി​ലോ​മീ​റ്റ​ർ അ​ക​ലെ നി​ന്ന് കു​ട്ടി​യു​ടെ മൃ​ത​ദേ​ഹം വി​കൃ​ത​മാ​ക്കി​യ നി​ല​യി​ൽ ക​ണ്ടെ​ത്തു​ക​യാ​യി​രു​ന്നു.പോ​ലീ​സും വ​നം​വ​കു​പ്പ് സം​ഘ​ങ്ങ​ളും സ്ഥ​ല​ത്തെ​ത്തി. എ​ന്നാ​ൽ പ്ര​കോ​പി​ത​രാ​യ ഗ്രാ​മ​വാ​സി​ക​ൾ പ്ര​തി​ഷേ​ധ പ്ര​ക​ട​നം ന​ട​ത്തി. മൃ​ത​ദേ​ഹം നീ​ക്കം ചെ​യ്യാ​ൻ അ​നു​വ​ദി​ച്ചി​ല്ല.

പ്ര​ദേ​ശ​വാ​സി​ക​ളു​ടെ സു​ര​ക്ഷക്കായി വ​നം​വ​കു​പ്പ് സ​മ​ഗ്ര​മാ​യ ന​ട​പ​ടി​ക​ൾ .

വെ​ള്ളി​യാ​ഴ്ച രാ​വി​ലെ ചൗ​ബ​ട്ട​ഖ​ൽ സ​ബ് ഡി​വി​ഷ​ണ​ൽ മ​ജി​സ്ട്രേ​റ്റ് രേ​ഖ ആ​ര്യ​യും ഡി​വി​ഷ​ണ​ൽ ഫോ​റ​സ്റ്റ് ഓ​ഫീ​സ​ർ മ​ഹാ​തിം യാ​ദ​വും ഗ്രാ​മ​ത്തി​ലെ​ത്തി. ഗ്രാ​മ​വാ​സി​ക​ളു​മാ​യി സം​സാ​രി​ക്കു​ക​യും തു​ട​ർ​ന്ന് വീ​ടി​ന​ടു​ത്ത് പോ​സ്റ്റ്‌​മോ​ർ​ട്ടം ന​ട​ത്തി മൃ​ത​ദേ​ഹം കു​ടും​ബ​ത്തി​ന് കൈ​മാ​റു​ക​യും ചെ​യ്തു.പെ​ൺ​കു​ട്ടി​യു​ടെ കു​ടും​ബ​ത്തെ സ​ന്ദ​ർ​ശി​ച്ച മ​ഹാ​തിം യാ​ദ​വ് എ​ല്ലാ സ​ഹാ​യ​വും വാ​ഗ്ദാ​നം ചെ​യ്തു. പു​ള്ളി​പ്പു​ലി​യെ നി​രീ​ക്ഷി​ക്കു​ന്ന​തി​നും പ്ര​ദേ​ശ​വാ​സി​ക​ളു​ടെ സു​ര​ക്ഷ ഉ​റ​പ്പാ​ക്കു​ന്ന​തി​നു​മാ​യി വ​നം​വ​കു​പ്പ് സ​മ​ഗ്ര​മാ​യ ന​ട​പ​ടി​ക​ൾ ആ​രം​ഭി​ച്ചി​ട്ടു​ണ്ട്.

.

.