തിരുവനന്തപുരം | ധനമന്ത്രി കെ എന് ബാലഗോപാല് അവതരിപ്പിച്ച ബജറ്റിലെ പ്രഖ്യാപനങ്ങളെ ജനങ്ങള് വിശ്വസിക്കരുതെന്ന് പ്രതിപക്ഷ നേതാവ് വി ഡി സതീശന്. വിശ്വാസ്യത തീരെ ഇല്ലാത്ത ബജറ്റ് ആണ് അവതരിപ്പിച്ചതെന്നും കേരളത്തിലെ മോശം പദ്ധതി ചെലവ് നടപ്പാക്കിയ വര്ഷമാണ് കടന്നുപോയതെന്നും പ്രതിപക്ഷ നേതാവ് പറഞ്ഞു.
പരിതാപകരമായ അവസ്ഥയിലുളള ഒരു ഖജനാവ് വെച്ചാണ് ഗീര്വാണ പ്രസംഗം
അനാവശ്യ അവകാശ വാദം കൊണ്ട് പവിത്രത നശിപ്പിച്ചെന്നും ഇത് വെറുമൊരു പൊളിറ്റിക്കല് ഡോക്യുമെന്റ് മാത്രമാണെന്നും അദ്ദേഹം വാര്ത്തസമ്മേളനത്തില് പറഞ്ഞു. പദ്ധതി ചെലവ് പരിതാപകരമായ അവസ്ഥയിലാണ്. ട്രഷറി നിയന്ത്രണം നിലനിന്ന കാലമാണു കടന്നു പോയത്. 10 ലക്ഷം രൂപയില് കൂടുതല് ട്രഷറിയില് നിന്ന് മാറിയെടുക്കാന് കഴിയില്ല.. ഇത്തരം ഒരു ഖജനാവ് വെച്ചാണ് ഗീര്വാണ പ്രസംഗം നടത്തിയിരിക്കുന്നതെന്നും അദ്ദേഹം പറഞ്ഞു. പൂച്ച പെറ്റുകിടക്കുന്ന ഖജനാവുള്ള കേരളത്തില് അവതരിപ്പിച്ച സര്ക്കാരിന്റെ ബജറ്റില് ജനങ്ങള് വിശ്വസിക്കരുതെന്ന് വി ഡി സതീശന് പറഞ്ഞു. .
