..
മലപ്പുറം: തിരൂര് ബസ് സ്റ്റാന്ഡ് കെട്ടിടത്തിലെ ബേക്കറി കട കത്തിനശിച്ചു. തൃക്കണ്ടിയൂര് സ്വദേശി എം. ചന്തുവിന്റെ ഉടമസ്ഥതയിലുള്ള എ.ആര്. ബേക്കറിയാണ് കത്തിനശിച്ചത്. ക്രിസ്മസ് പുതുവര്ഷ വിപണി ലക്ഷ്യമിട്ട് തയാറാക്കിയ 20 ലക്ഷം രൂപയുടെ ബേക്കറി പലഹാരങ്ങള് തീപിടിത്തത്തിൽ നശിച്ചു.
ഷോര്ട്ട് സര്ക്യൂട്ടാണ് അപകട കാരണമെന്നാണ് വിലയിരുത്തല്.
ഡിസംബർ 23 ചൊവ്വാഴ്ച പുലര്ച്ചെ 5.30നാണ് സംഭവം. കടയ്ക്കുള്ളില്നിന്ന് പുക ഉയരുന്നത് ശ്രദ്ധയില്പ്പെട്ടതിനെത്തുടര്ന്ന് സമീപത്തുണ്ടായിരുന്നവര് അഗ്നിരക്ഷ സേനയെ വിവരം അറിയിക്കുകയായിരുന്നു. തിരൂര് ഫയര് സ്റ്റേഷനിലെ നാല യൂനിറ്റ് എത്തിയാണ് തീ അണച്ചത്. ഷോര്ട്ട് സര്ക്യൂട്ടാണ് അപകട കാരണമെന്നാണ് വിലയിരുത്തല്. അര നൂറ്റാണ്ടിലേറെയായി തിരൂരില് വ്യാപാരം നടത്തുന്നവരാണ് കടയുടമ.
