ആലപ്പുഴ: ബുധനൂർ സർവീസ് സഹകരണ ബാങ്കിലെ സ്വർണ പണയം തിരിമറിയിൽ മുൻ സെക്രട്ടറി ഇൻ ചാർജ് അനീഷ അറസ്റ്റിൽ. ബുധനൂർ സ്വദേശി രാഹുൽ 2022ൽ ബാങ്കിൽ പണയംവച്ച സ്വർണം തിരിച്ചെടുക്കാനെത്തിയപ്പോഴാണ് തട്ടിപ്പ് പുറത്തുവന്നത്. രാഹുലിന്റെ അഞ്ചേകാൽ പവൻ സ്വർണം ബാങ്കിൽ ഇല്ലെന്ന് അറിഞ്ഞതോടെ മാന്നാർ പോലീസിൽ പരാതി നൽകുകയായിരുന്നു. തുടർന്ന് നടത്തിയ അന്വേഷണത്തിൽ അനീഷ സ്വർണം എണ്ണക്കാട് ബാങ്കിൽ പണയം വച്ചതായി കണ്ടെത്തി.
അനീഷയെ 2023ൽ ജോലിയിൽ നിന്ന് പിരിച്ചുവിട്ടിരുന്നു
ഓഡിറ്റിൽ ലക്ഷങ്ങളുടെ ക്രമക്കേട് കണ്ടെത്തിയതിനെ തുടർന്ന് അനീഷയെ 2023ൽ ജോലിയിൽ നിന്ന് പിരിച്ചുവിട്ടിരുന്നു. രാഹുലിന്റെ നാല് പവൻ സ്വർണമാണ് അനീഷ എണ്ണക്കാട് ബാങ്കിൽ പണയം വച്ചതായി കണ്ടെത്തിയത്.അനീഷക്കെതിരെ വിശ്വാസവഞ്ചന, വ്യാജരേഖ ചമയ്ക്കൽ എന്നീ വകുപ്പുകൾ ചേർത്ത് പോലീസ് കേസെടുത്തു. എന്നാൽ ബാക്കി സ്വർണം ഇതുവരെ കണ്ടെത്താനായിട്ടില്ല
..
