താമരശ്ശേരി: മലബാറിന്റെ വികസനക്കുതിപ്പിന് വഴിതുറയ്ക്കുന്ന ആനക്കാംപൊയില്-കള്ളാടി-മേപ്പാടി തുരങ്കപാത നിര്മാണോദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു. ഓഗസ്റ്റ് 31ന് വൈകീട്ട് നാലിന് ആനക്കാംപൊയില് സെയ്ന്റ് മേരീസ് സ്കൂള് ഗ്രൗണ്ടിലാണ് ചടങ്ങ് നടന്നത്. കേരളത്തിലെ ഏറ്റവും നീളംകൂടിയതും ഇന്ത്യയിലെ മൂന്നാമത്തെ ഏറ്റവും നീളംകൂടിയതുമായ ഇരട്ടതുരങ്കപാതയാണിത്. വയനാട് ജില്ലയില് 5.58 കിലോമീറ്ററും കോഴിക്കോട് ജില്ലയില് 3.15 കിലോമീറ്ററും നീളമാണുള്ളത്.
പദ്ധതി പൂര്ത്തിയാകാൻ നാലുവര്ഷം
ിക്ക്കോഴിക്കോട് ജില്ലയില് മുറിപ്പുഴ-മുത്തപ്പന്പുഴ-ആനക്കാംപൊയില് റോഡുമായും വയനാട്ടില് മേപ്പാടി-കള്ളാടി-ചൂരല്മല റോഡുമായുമായാണ് തുരങ്കപാതയെ ബന്ധിപ്പിക്കുന്നത്. 8.73 കിലോമീറ്റര് ദൈര്ഘ്യത്തില് 8.11 കിലോമീറ്റര് ദൂരം ഇരട്ടത്തുരങ്കങ്ങളാണ്. നാലുവര്ഷമെടുത്താണ് പദ്ധതി പൂര്ത്തിയാക്കുക. പദ്ധതി യാഥാര്ഥ്യമാകുന്നതോടെ വയനാടിന്റെ യാത്രാദുരിതത്തിന് അറുതിയാകും. കൊങ്കണ് റെയില്വേ കോര്പ്പറേഷന് ലിമിറ്റഡാണ് നിര്മാണ ഏജന്സി. കോഴിക്കോട്, വയനാട് ജില്ലകളിലായി 33 ഹെക്ടറോളം ഭൂമി ഇതിനായി ഏറ്റെടുത്തിട്ടുണ്ട്. വനഭൂമി നേരത്തേതന്നെ കൈമാറിയതാണ്. 90 ശതമാനം സ്വകാര്യഭൂമിയും ഏറ്റെടുത്തുകഴിഞ്ഞിട്ടുണ്ട്.
പൊതുമരാമത്ത് മന്ത്രി പി.എ. മുഹമ്മദ് റിയാസ്, ധനമന്ത്രി കെ.എന്. ബാലഗോപാലന്, വനംവകുപ്പ് മന്ത്രി എ.കെ. ശശീന്ദ്രന്, പട്ടികസമുദായ ക്ഷേമവകുപ്പ് മന്ത്രി ഒ.ആര്. കേളു, എംഎല്എമാരായ ടി. സിദ്ദിഖ്,ലിന്റോ ജോസഫ്, ,പിടിഎ ഫഹീം, എന്നിവർ പങ്കെടുത്തു.
