കൊല്ലം | കിളികൊല്ലൂരില് മയക്കുമരുന്ന് കേസ് പ്രതി പോലീസ് സ്റ്റേഷനില് നിന്നും ഭാര്യയുടെ സഹായത്തോടെ രക്ഷപ്പെട്ടു. എംഡിഎംഎ കേസില് പ്രതിയായ അജു മണ്സൂര് (26) ആണ് രക്ഷപ്പെട്ടത്.
നാടകീയമായ രക്ഷപ്പെടല്
സ്ഥിരം മയക്കുമരുന്ന് കേസ് പ്രതിയായ അജുവിനെ ഇന്നലെ(ആഗസ്റ്റ് 5)യാണ് പോലീസ് കസ്റ്റഡിയിലെടുത്തത്. കിളികൊല്ലൂര് സ്റ്റേഷനില് നടപടി ക്രമങ്ങള് പൂര്ത്തിയാക്കുന്നതിനിടെയായിരുന്നു നാടകീയമായ രക്ഷപ്പെടല്. പോലീസിന്റെ കണ്ണുവെട്ടിച്ച് ഇയാള് സ്റ്റേഷനില് നിന്ന് പുറത്തേക്ക് ഓടുകയും സ്റ്റേഷന് മുന്നില് സ്കൂട്ടറില് കാത്തുനിന്ന ഭാര്യയുടെ വണ്ടിയിലേക്ക് ചാടിക്കയറി രക്ഷപ്പെടുകയായിരുന്നു
