.കഴക്കൂട്ടത്ത് മരക്കൊമ്പ് ഒടിഞ്ഞുവീണ് യുവാവ് മരിച്ചു

.തിരുവനന്തപുരം : കഴക്കൂട്ടം വെട്ട്‌റോഡ് മാർക്കറ്റിൽ ഓണാഘോഷ പരിപാടിക്കിടെ മരക്കൊമ്പ് ഒടിഞ്ഞുവീണ് യുവാവ് മരിച്ചു. വെട്ട്‌റോട് സ്വദേശി വിനേഷ് ആണ് മരിച്ചത്. പ്രദേശത്തെ ക്ലബ്ബിന്റെ വക ഓണാഘോഷ പരിപാടിക്കിടെ 2023 ഓ​ഗസ്റ്റ് 30ന് വൈകുന്നേരം ആറരയോടെയായിരുന്നു സംഭവം.

വടംവലിക്കായി ആളുകൾ തടിച്ചുകൂടിയിരുന്നു. ഇതിനിടെ സമീപത്തെ മരം ഒടിഞ്ഞ് വീണാണ് അപകടമുണ്ടായത്. വെട്ടുറോഡ് സ്വദേശി സതീഭവനിൽ വിനേഷ് (40) ആണ് മരിച്ചത്. നിർമാണ തൊഴിലാളിയാണ്. വിനേഷിനെ ഉടൻ തന്നെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.