ന്യൂഡല്ഹി: പട്ടയഭൂമി മറ്റാവശ്യങ്ങള്ക്ക് ഉപയോഗിക്കരുതെന്ന കേരള ഹൈക്കോടതി ഉത്തരവ് ചോദ്യംചെയ്തുള്ള ഹര്ജിയില് സുപ്രീം കോടതി സംസ്ഥാന സര്ക്കാരിനു നോട്ടീസ് അയച്ചു. ക്വാറി ഉടമകള് സമര്പ്പിച്ച ഹര്ജിയിലാണ് നടപടി. ജസ്റ്റിസുമാരായ എ.എസ്. ബൊപ്പണ്ണ, പി.എസ്. നരസിംഹ എന്നിവരടങ്ങിയ ബെഞ്ചാണു ഹര്ജി പരിഗണിച്ചത്. മൂന്നാഴ്ചയ്ക്കുള്ളില് സംസ്ഥാന സര്ക്കാര് നിലപാട് അറിയിക്കണം. അതേസമയം ഉത്തരവ് സ്റ്റേ ചെയ്യണമെന്ന ആവശ്യം സുപ്രീം കോടതി അംഗീകരിച്ചില്ല. ക്വാറി ഉടമകളായ പോബ്സ് ഗ്രാനൈറ്റ്സ്, റാഫി ജോണ് എന്നിവരാണു സുപ്രീം കോടതിയെ സമീപിച്ചത്.
റിപ്പോര്ട്ട്
ന്യൂസ് ഡെസ്ക്
