തിരുവനന്തപുരം: സർക്കാരിന് നൽകുന്ന അപേക്ഷകളിൽ ഇനിമുതൽ “താഴ്മയായി ” എന്ന പദം വേണ്ട. “താഴ്മയായി” എന്ന പദം ഇനിമുതൽ ഉപയോഗിക്കരുതെന്ന് സർക്കാർ നിർദ്ദേശിച്ചു. ഇതിന് പകരം അഭ്യർത്ഥിക്കുന്നുവെന്നോ, അപേക്ഷിക്കുന്നുവെന്നോ രേഖപ്പെടുത്തിയാൽ മതിയാകും.
ഇതുസംബന്ധിച്ച് ഉദ്യോഗസ്ഥ ഭരണ പരിഷ്കാര വകുപ്പ് തലവന്മാർക്ക് നിർദ്ദേശം നൽകി. സംസ്ഥാനത്തെ എല്ലാ സർക്കാർ- അർധസർക്കാർ, പൊതുമേഖല സ്ഥാപനങ്ങൾക്കും ഇത് ബാധകമാണ്.
