ന്യൂഡല്ഹി: നാഷണല് ഹെറാള്ഡ് കേസില് കോണ്ഗ്രസ് അധ്യക്ഷ സോണിയ ഗാന്ധിയെ എന്ഫോഴ്സ്മെന്റ് ഡയറക്ട്രേറ്റ് ചോദ്യം ചെയ്യും. ജൂലൈ 21 ന് രാവിലെ പതിനൊന്നരയോടെ ഇ ഡി ഓഫിസില് സോണിയ ഹാജരാകുമെന്നാണ് വിവരം. ആരോഗ്യാവസ്ഥ മോശമായതിനാല് നേരത്തെ ആവശ്യപ്പെട്ട തീയതികളില് സോണിയ ഇ ഡിക്ക് മുന്പില് എത്തിയിരുന്നില്ല. ആരോഗ്യാവസ്ഥ പരിഗണിച്ച് വീട്ടിലെത്തി മൊഴിയെടുക്കാമെന്ന് ഇഡി അറിയിച്ചെങ്കിലും കോണ്ഗ്രസ് അധ്യക്ഷ അത് നിരസിക്കുകയായിരുന്നു. ഒപ്പം ഇഡി ഓഫിസിലെത്തി മൊഴി നല്കാമെന്ന് സോണിയ അറിയിക്കുകയും ചെയ്തു. രാഹുല് ഗാന്ധിയെ ചോദ്യം ചെയ്തപ്പോള് ഇഡിയുടെ നടപടിക്കെതിരേ പ്രതിഷേധിച്ച് നേതാക്കളടക്കം അറസ്റ്റ് വരിച്ചുള്ള പ്രതിഷേധം ആവര്ത്തിക്കാനുള്ള തീരുമാനത്തിലാണ് കോണ്ഗ്രസ്. ഇരുനൂറ്റി അന്പതോളം പേര് അറസ്റ്റ് വരിക്കുമെന്നാണ് നേതാക്കള് പറയുന്നത്. വിഷയം പ്രതിപക്ഷ പാര്ട്ടികള് ഒന്നടങ്കം പാര്ലമെന്റില് ഉന്നയിക്കാനും തീരുമാനമായിട്ടുണ്ട്. പത്ത് മണിക്ക് പ്രതിപക്ഷ നേതാക്കള് സംയുക്ത വാര്ത്ത സമ്മേളനം നടത്തി പ്രതിഷേധം അറിയിക്കും.
സോണിയ ഗാന്ധിയെ എന്ഫോഴ്സ്മെന്റ് ചോദ്യം ചെയ്യും
