കണ്ണൂര്: കണ്ണൂര് ഏച്ചൂരില് പെട്രോള് പമ്പില് കയറി ജീവനക്കാരെ ആക്രമിച്ച സംഭവത്തില് മൂന്ന് പേര് അറസ്റ്റില്. കണ്ണൂര് ഭദ്രന് എന്ന മഹേഷ്, ഗിരീഷന്, സിബിന് എന്നിവരാണ് അറസ്റ്റിലായത്.
08/01/21 ശനിയാഴ്ച രാത്രി ഏച്ചൂരിലെ സി ആര് പെട്രോള് പമ്പിലായിരുന്നു സംഭവം. വാഹനങ്ങളില് പെട്രോള് അടിക്കാന് നിരവധി പേര് കാത്തുനില്ക്കവെ ആയിരുന്നു ആക്രമണം. പെട്രോള് പമ്പിലെ ജീവനക്കാരന് പ്രദീപിന്റെ പരാതിയിലാണ് അറസ്റ്റ്. സ്ഥലവില്പനയുമായി ബന്ധപ്പെട്ട കമ്മിഷന് തുകയെ ചൊല്ലിയാണ് ആക്രമണമുണ്ടായതെന്നാണ് വിവരം.
