ന്യൂഡല്ഹി: പ്രശസ്ത കമന്റേറ്ററും എഴുത്തുകാരനുമായ നോവി കപാഡിയ അന്തരിച്ചു. 67 വയസ്സായിരുന്നു. മോട്ടോര് ന്യൂറോണ് അസുഖത്തെ തുടര്ന്ന് ഒരു മാസമായി വെന്റിലേറ്ററിലായിരുന്നു. ഡല്ഹി സര്വകലാശാലയുടെ കീഴിലുള്ള എസ്ജിടിബി ഖസ്ല കോളേജിലെ മുന് ഇംഗ്ലീഷ് പ്രൊഫസറാണ്.ഒമ്പത് ഫിഫ ലോകകപ്പുകളിലും ഇന്ത്യയുടെ നൂറു കണക്കിന് മത്സരങ്ങളിലും കമന്റേറ്ററായും നിരീക്ഷകനായും പ്രവര്ത്തിച്ചിട്ടുണ്ട്. ഒളിമ്പിക്സിലും ഏഷ്യന് ഗെയിംസിലും കോമണ്വെല്ത്ത് ഗെയിംസിലും കമന്റേറ്ററായി. ഫുട്ബോള് എന്സൈക്ലോപീഡിയ എന്ന് വിളിപ്പേരുള്ള അദ്ദേഹത്തിന്റെ ബെയര്ഫൂറ്റ് റ്റു ബൂട്സ് എന്ന പുസ്തകം പ്രശസ്തമാണ്. 2014ല് ദി ഫുട്ബോള് ഫനാടിക്സ് എസെന്ഷ്യല് ഗൈഡ് ബുക്ക് എന്ന പേരില് ഒരു പുസ്തകം പ്രസിദ്ധീകരിച്ചു.
റിപ്പോര്ട്ട്
ന്യൂസ് ഡെസ്ക്
