കൊല്ലം : തിരുവനന്തപുരത്ത് ജോലി കഴിഞ്ഞ് മടങ്ങിയ യുവതിക്കു നേരെ അപമര്യാദയായി പെരുമാറിയ യുവാക്കളെ പോലീസ് അറസ്റ്റ് ചെയ്തു. .കോഴിക്കോട് പുതിയറ സ്വദേശി അജൽ ,ചേവയൂർ സ്വദേശി അതുൽ എന്നിവരാണ് അറസ്റ്റിലായത്. . മലബാർ എക്സ്പ്രസിൽ ചിറയിൻകീഴ് റെയിൽവെ സ്റ്റേഷനിൽ വച്ചായിരുന്നു സംഭവം.
യുവതിയുടെ കൂടെയുണ്ടായിരുന്ന ഭർത്താവ് പ്ലാറ്റ്ഫോമിലേക്ക് ഇറങ്ങിയപ്പോൾ ആയിരുന്നു യുവാക്കൾ യുവതിയോട് മോശമായി പെരുമാറിയത്. യുവതി ഭർത്താവിനെ വിവരമറിയിച്ചു അപമര്യാദയായി പെരുമാറിയ യുവാക്കളെ ഭർത്താവ് ചോദ്യം ചെയ്തു. ഇതോടെ യുവാക്കൾ ആക്രമിക്കുകയായിരുന്നുവെന്ന് യുവതി പറഞ്ഞു.
സംഭവം അറിഞ്ഞ് സ്ഥലത്തെത്തിയ റെയിൽവേ പോലീസ് ദമ്പതികളെ രക്ഷിക്കുന്നതിനിടെ പൊലീസുകാരെയും യുവാക്കൾ ആക്രമിച്ചു. ബലം പ്രയോഗിച്ചാണ് അക്രമികളെ കീഴ്പ്പെടുത്തിയത്. തുടർന്ന് കൊല്ലം റെയിൽവെ പൊലീസ് സ്റ്റേഷനിൽ എത്തിച്ച ശേഷം യുവാക്കൾക്കെതിരെ കേസ് എടുക്കുകയായിരുന്നു
