കൊച്ചി ; ഔദ്യോഗിക പ്രതികരണത്തിനായി സമീപിച്ച മാധ്യമ പ്രവര്‍ത്തകയോട്‌ വാട്‌സാപ്പിലൂടെ മോശം പരാമര്‍ശം നടത്തിയെന്ന ആരോപണത്തില്‍ ഐഎഎസ്‌ ഓഫീസര്‍ എന്‍ പ്രശാന്തിനെതിരെ പോലീസ്‌ കേസെടുത്തു. 2021 ഫെബ്രുവരിയില്‍ നടന്ന സംഭവത്തില്‍ കേസെടുത്തതായി എറണാകുളം സെന്‍ട്രല്‍ പോലീസ്‌ വാര്‍ത്താ ഏജന്‍സിയായ പിടിഐയോട്‌ പറഞ്ഞു ഇന്ത്യന്‍ ശിക്ഷാ നിയമത്തിലെ സെക്ഷന്‍ 509 പ്രകാരമാണ്‌ കേസ്‌ എടുത്തിരിക്കുന്നത്‌.
കേരളാസ്റ്റേറ്റ്‌ ഇന്‍ലാന്‍ഡ്‌ നാവിഗേഷന്‍ കോര്‍പ്പറേഷന്റെ (കെഎസ്‌ഐഎന്‍സി) മാനേജിംഗ്‌ ഡയറക്ടറായ പ്രശാന്ത്‌ ഈ വര്‍ഷം ആദ്യം ആഴക്കടല്‍ മത്സ്യ ബന്ധന വിവാദത്തില്‍ കുടുങ്ങിയിരുന്നു.കോര്‍പ്പറേഷന്‍ ആഴക്കടല്‍ മത്സ്യ ബന്ധനവുമായുളള ബന്ധത്തില്‍ യു.എസ് കമ്പനിയുമായി ധാരണാ പത്രം ഒപ്പിട്ടതുമായി ബന്ധപ്പെട്ടായിരുന്നു വിവാദം. ഒരു പ്രദേശിക ദിനപ്പത്രത്തിലെ മാധ്യമ പ്രവര്‍ത്തക പ്രശാന്തിന്‌ സ്വയം പരിചയപ്പെടുത്തിക്കൊ്‌ സന്ദേശമയക്കുകയും വിവാദത്തിന്‌ മറുപടി തേടുകയുമായിരുന്നു.
മാധ്യമ പ്രവര്‍ത്തകയും പ്രശാന്തുമായുളള വാട്‌സാപ്പ്‌ സന്ദേശങ്ങള്‍ പ്രചരിച്ചിരുന്നു. വാര്‍ത്തയെക്കുറിച്ച സംസാരിക്കാന്‍ ഉചിതതമായ സമയമാണോ ഇതെന്ന്‌ മാധ്യമ പ്രവര്‍ത്തക ചോദിച്ചതായി കാണാം. മാധ്യമ പ്രവര്‍ത്തകയുടെ ചോദ്യത്തിന്‌ പ്രശാന്ത്‌ ഒരു സ്റ്റിക്കര്‍ ഉപയോഗിച്ചാണ്‌ മറുപടി നല്‍കിയത്‌. വിവാദവുമായി ബന്ധപ്പെട്ട്‌ പ്രസ്‌താവന നല്‍കാന്‍ യുവതി ആവശ്യപ്പെട്ടപ്പോള്‍ പ്രശാന്ത്‌ അശ്ലീല സ്റ്റിക്കര്‍ അയക്കുകയായിരുന്നുവെന്നാണ്‌ ആരോപണം. സംഭവത്തിന്‌ പിന്നാലെ കേരള യൂണിയന്‍ ഓഫ് വര്‍ക്കിംഗ്‌ ജേണലിസ്റ്റ്‌ (കെയുഡബ്ല്യുജെ) എന്ന സംഘടനയാണ്‌ പോലീസില്‍ പരാതി നല്‍കിയതും സര്‍ക്കാര്‍ അന്വേഷണത്തിന്‌ ഉത്തരവിട്ടതും.
