കൊവിഡിനിടയില്‍ കന്‍വര്‍ യാത്ര നടത്തുന്നതിനെതിരെ സുപ്രീം കോടതി ; യു.പി. സര്‍ക്കാരിനും കേന്ദ്രത്തിനും നോട്ടീസ്

ലഖ്‌നൗ: കന്‍വര്‍ യാത്രയ്ക്ക് അനുമതി നല്‍കിയ യു.പി. സര്‍ക്കാരിന്റെ നടപടിയെ ചോദ്യം ചെയ്ത് സുപ്രീംകോടതി. വിഷയം സ്വമേധയ ഏറ്റെടുത്ത കോടതി 14/07/21 ബുധനാഴ്ച സര്‍ക്കാരിന് നോട്ടീസ് അയക്കുകയായിരുന്നു.

കേന്ദ്രസര്‍ക്കാരിനും കോടതി നോട്ടീസ് അയച്ചിട്ടുണ്ട്. 16/07/21 വെള്ളിയാഴ്ച കേസില്‍ കോടതി വാദം കേള്‍ക്കും.

രാജ്യത്ത് കൊവിഡ് സാഹചര്യം രൂക്ഷമായിക്കൊണ്ടിരിക്കുന്ന അവസ്ഥയില്‍ കന്‍വര്‍ യാത്രയ്ക്ക് യു.പി. സര്‍ക്കാര്‍ അനുവാദം നല്‍കിയത്. അടുത്തയാഴ്ചയാണ് പരിപാടി.

കുറഞ്ഞ ആളുകളെ പങ്കെടുപ്പിച്ചുകൊണ്ട് ജൂലൈയ് 25 മുതല്‍ കന്‍വര്‍ യാത്ര അനുവദിക്കുമെന്നാണ് യു.പി. സര്‍ക്കാര്‍ പറഞ്ഞത്.