അഞ്ചൽ: അഞ്ചലില് യുവാവിന്റെ മൃതശരീരം കത്തിക്കരിഞ്ഞ നിലയില് കണ്ടെത്തിയ സംഭവത്തില് ആളെ 01/07/21 വ്യാഴാഴ്ച തിരിച്ചറിഞ്ഞു. സ്വകാര്യ ബസ് ഉടമയായ അഞ്ചല് അഗസ്ത്യക്കോട് സ്വദേശി ഉല്ലാസ് ആണ് മരിച്ചത്. നിര്മ്മാണം നടക്കുന്ന അഞ്ചല് ബൈപ്പാസിലാണ് ഉല്ലാസിന്റെ മൃതശരീരം കത്തിക്കരിഞ്ഞ നിലയില് കണ്ടെത്തിയത്.
അഞ്ചല് പുനലൂര് റോഡില് സെന്റ് ജോര്ജ് സ്കൂളിന് എതിര്വശം നിര്മ്മാണം നടക്കുന്ന അഞ്ചല് ബൈപ്പാസിലാണ് മൃതദേഹം കണ്ടെത്തിയത്. കൊല്ലത്ത് നിന്നും വിരലടയാള വിദഗ്ധരും ഡോഗ് സ്ക്വാഡും പരിശോധന നടത്തി. മൊബൈല് ഫോണും കത്തിക്കരിഞ്ഞ ഒരു ജോഡി ചെരിപ്പും വാച്ചും മൃതദേഹത്തിന് സമീപത്തു നിന്ന് കണ്ടെടുത്തിരുന്നു. മൊബൈല് ഫോണ് പരിശോധിച്ചതോടെയാണ് മൃതശരീരം ഉല്ലാസിന്റേതാണെന്ന് തിരിച്ചറിഞ്ഞത്.
