അബുദാബി: പ്രവാസി വ്യവസായിയും ലുലുഗ്രൂപ്പ് ചെയര്മാനുമായ എം എ യൂസഫലിക്ക് അബൂദാബി സര്ക്കാരിന്റെ അംഗീകാരം. യുഎഇ യുടെ വിശേഷിച്ച അബുദാബിയുടെ വാണിജ്യ വ്യവസായ മേഖലകളില് നല്കിയ സംഭാവനകള്ക്കും. ജീവ കാരുണ്യ രംഗത്ത് നല്കുന്ന മികച്ച പിന്തുണക്കുമുളള അംഗീകാരമായാണ് ഉന്നത സിവിലിന് ബഹുമതിയായ അബുദാബി അവാര്ഡിന് യൂസഫലി അര്ഹനായിരിക്കുന്നത്. അബുദാബി അല്ഹോസന് പൈതൃക മന്ദിരത്തില് വച്ച് നടന്ന ചടങ്ങില് അബുദാബി കിരീടാവകാശിയും സായുധസേന ഉപ സര്വസൈന്യാധിപനുമായ ശൈഖ് മുഹമ്മദ് ബിന് സായിദ് അല് നഹാന് യൂസഫലിക്ക് പുരസ്കാരം സമ്മാനിച്ചു.
ഏറെ വിനയത്തോടെയും അഭിമാനത്തോടെയുമാണ് അബുദാബി സര്ക്കാരിന്റെ ഈ ബഹുമതിയെ കാണുന്നതെന്ന് അവാര്ഡ് സ്വീകരിച്ചതിന് ശേഷം എംഎ യൂസഫലി പറഞ്ഞു. കഴിഞ്ഞ 47 വര്ഷമായി അബുദാബിയിലാണ് താമസം . 1973 ഡിസംബര് 31നാണ് പുതിയ സ്വപ്നങ്ങളും പ്രതീക്ഷകളുമായി യുഎയില് എത്തിയത്. വെല്ലുവിളികളും കയറ്റിറക്കങ്ങളും പിന്നിട്ടാണ് ഇന്ന് ഇിവിടെ എത്തി നില്ക്കുന്നത് യൂസഫലി പറഞ്ഞു. ഈ രാജ്യത്തിന്റെ ദീര്ഘ ദര്ശികളും സ്ഥിരോത്സാഹികളുമായ ഭരണാധികാരികളോട് പ്രത്യേകിച്ച് അബുദാബി കിരീടാവകാശി ശൈഖ് മുഹമ്മദ്ബിന് സായിദ് അല് നഹ്യാനോട് നന്ദി രേഖപ്പെടുത്തുന്നുവെന്നും യൂസഫലി പറഞ്ഞു. ഇന്ന് ഞാന് എന്തെങ്കിലും ആയിട്ടുണ്ടെങ്കില് അത് യുഎഇ എന്ന മഹത്തായ രാജ്യത്തിന്റെ ഭരണാധികാരികളുടെയും ഇവിടെ വസിക്കുന്ന സ്വദേശികളും മലയാളികള് ഉള്പ്പെടുന്ന പ്രവാസി സമൂഹത്തിന്റെയും പിന്തുണയും പ്രാര്ത്ഥനകളും കൊണ്ടാണ്. തനിക്ക് ലഭിച്ച ഈ ബഹുമതി പ്രവാസി സമൂഹത്തിന് സമര്പ്പിക്കുന്നുവെന്നും യൂസഫലി കൂട്ടിച്ചേര്ത്തു.
