ന്യൂഡല്ഹി: കര്ഷകസമരത്തിന്റെ ഭാഗമായി ഫെബ്രുവരി 18ന് രാജ്യവ്യാപകമായി നാല് മണിക്കൂര് ട്രെയിന് തടയുമെന്ന് സംയുക്ത കിസാന് മോര്ച്ച പ്രഖ്യാപിച്ചു. ഉച്ചയ്ക്ക് 12 മുതല് വൈകീട്ട് നാല് വരെയാണ് ട്രെയിന് തടയല് സമരം. ഫെബ്രുവരി 12 മുതല് രാജസ്ഥാനില് ടോള് പിരിവ് അനുവദിക്കില്ലെന്നും സംയുക്ത കിസാന് മോര്ച്ച പ്രസ്താവനയില് അറിയിച്ചു. നേരത്തെ 40 ലക്ഷം ട്രാക്ടറുകളുടെ റാലി സംഘടിപ്പിക്കുമെന്ന് ഭാരതീയ കിസാന് യൂണിയന് നേതാവ് രാകേഷ് ടികായത് പറഞ്ഞിരുന്നു. ‘ ഒക്ടോബര് രണ്ട് വരെ കര്ഷകസമരം തുടരും. അതിനര്ത്ഥം അതിന് ശേഷം സമരം പിന്വലിക്കുമെന്നല്ല. പിന്നീട് ഷിഫ്റ്റ് അടിസ്ഥാനത്തില് കര്ഷകര് സമരങ്ങളില് തുടരും’, രാകേഷ് ടികായത് പറഞ്ഞു.
18ന് രാജ്യവ്യാപകമായി ട്രെയിന് തടയുമെന്ന് കര്ഷക സംഘടനകള്
