ന്യൂഡൽഹി: റിപ്പബ്ലിക് ദിന പരേഡിൽ രാജ്യത്തിൻ്റെ അഭിമാനമായ ബ്രാഹ്മോസിൻ്റെ പശ്ചാത്തലത്തിൽ മുഴങ്ങിയത് സ്വാമിയേ ശരണമയ്യപ്പ. ‘സ്വാമിയേ ശരണമയ്യപ്പ’ എന്ന അയ്യപ്പ സ്തുതി മുഴക്കി 861 ബ്രഹ്മോസ് റജിമെന്റ് കമാന്റാണ് മാര്ച്ച് ചെയ്തത്. ഇക്കുറി രാജ്പഥിലെ റിപ്പബ്ലിക് ദിന പരേഡ് നിയന്ത്രണങ്ങളോടെയാണ് നടന്നത്. പരേഡിൽ പങ്കെടുക്കുന്ന സൈനികരുടെ എണ്ണവും കുറച്ചിട്ടുണ്ട്. മുന്വര്ഷങ്ങളില് ചെങ്കോട്ടവരെ മാര്ച്ച് ചെയ്തിരുന്ന പരേഡ് ഇക്കുറി നാഷണല് സ്റ്റേഡിയത്തില് അവസാനിച്ചു.
രാജ്യത്തിന്റെ സൈനിക കരുത്തും സാംസ്കാരിക വൈവിധ്യവും എടുത്ത് കാണിക്കുന്നതായിരുന്നു ഇത്തവണത്തെ റിപ്പബ്ലിക്ക് ദിന പരേഡ്. ലെഫ്നന്റ് ജനറൽ വിജയ് കുമാർ മിസ്രയാണ് ഇത്തവണ റിപ്പബ്ലിക്ക് ദിന പരേഡിനെ നയിച്ചത്. സ്വാമിയേ ശരണമയപ്പ യുദ്ധ വിളിയായി അംഗീകരിച്ച ബ്രഹ്മോസ്, ടി 90 ഭീഷ്മ ടാങ്ക്. ഷിൽക്ക വെപ്പൺ സിസ്റ്റം, പിനാക മൾട്ടി ലോഞ്ചർ റോക്കറ്റ് സിസ്റ്റ് എന്നിങ്ങനെ കരസേനയുടെ കരുത്ത് വിളിച്ചോതുന്നതായിരുന്നു റിപ്പബ്ലിക്ക് ദിന പരേഡ്.
കഴിഞ്ഞവര്ഷം ഒന്നരലക്ഷത്തോളം സന്ദര്ശകരാണ് പരേഡ് കാണാനെത്തിയ തെങ്കില് ഇത്തവണ അത് 25,000 ആയി ചുരുക്കി. മാര്ച്ച് ചെയ്യുന്ന കണ്ടിജെന്റു കളുടെ എണ്ണം സാമൂഹിക അകലം കണക്കിലെടുത്ത് 144ല് നിന്ന് 96 ആയും കുറച്ചിട്ടുണ്ട്.
കേന്ദ്രഭരണപ്രദേശമായ ലഡാക്ക് ആദ്യമായി പങ്കെടുത്തതാണ് . റിപ്പബ്ലിക് ദിനപരേഡിൽ ചരിത്രത്തിലാദ്യമായി ബംഗ്ലാദേശ് സേനയും പങ്കെടുത്തു എന്നതാണ് മറ്റൊരു പ്രത്യേകത.
