നാഗ്പൂർ: അവിഹിത ശാരീരിക ബന്ധത്തിനിടെ കഴുത്തിൽ കയർ കുരുങ്ങി യുവാവ് മരിച്ചു. വെള്ളിയാഴ്ച(08/01/21) പുലർച്ചെ നഗരത്തിൽ 30 കാരനായ ഒരാൾ വിചിത്രമായ രീതിയിൽ ശാരീരിക ബന്ധത്തിന് ശ്രമിച്ചതിനെ തുടർന്ന് കയർ കഴുത്തിൽ മുറുകി ശ്വാസംമുട്ടി മരിച്ചുവെന്ന് നാഗ്പൂർ പോലീസ് പറഞ്ഞു.
നാഗ്പൂരിലെ ഖാപർഖെഡ പ്രദേശത്തെ ഒരു ലോഡ്ജിലാണ് സംഭവം.
ലൈംഗികാസ്വാദനം വർദ്ധിപ്പിക്കുന്നതിനായി കാമുകിയായ സ്ത്രീ യുവാവിന്റെ കൈകാലുകൾ ഒരു കസേരയിൽ കെട്ടി മറ്റൊരു കയർ കഴുത്തിൽ ചുറ്റുകയായിരുന്നു.
മറ്റൊരാളുടെ ഭാര്യയും ഒരു കുട്ടിയുടെ അമ്മയുമായ ഈ സ്ത്രീയുമായി കഴിഞ്ഞ അഞ്ചുവർഷമായി യുവാവ് പ്രണയത്തിലായിരുന്നു. ഇരുവരും വ്യാഴാഴ്ച(07/01/21) രാത്രി ലോഡ്ജിൽ മുറിയെടുത്തു. യുവാവിന്റെ കൈകാലുകൾ കെട്ടിയ യുവതി ലൈംഗികാസ്വാദനം വർദ്ധിപ്പിക്കാൻ നൈലോൺ കയറുമായി ഒരു കസേരയെയും ബന്ധിച്ചുവെന്ന് പോലീസ് ഉദ്യോഗസ്ഥനെ ഉദ്ധരിച്ച് വാർത്താ ഏജൻസിയായ പി.ടി.ഐ റിപ്പോർട് ചെയ്തു.
പുരുഷനെ കെട്ടിയിട്ട ശേഷം യുവതി വാഷ്റൂമിലേക്ക് പോയി. ഈ സമയത്ത് കസേര തെന്നി നീങ്ങി തെറിച്ചു വീണു. കസേര വീണതോടെ യുവാവിന്റെ കഴുത്തിൽ നൈലോൺ കയർ മുറുകി.
“യുവതി തിരിച്ചെത്തിയപ്പോൾ പങ്കാളിയായ യുവാവ് അനങ്ങാതെ കിടക്കുന്നതായി കണ്ടു,” ഉദ്യോഗസ്ഥൻ പിടിഐയോട് പറഞ്ഞു.
തുടർന്ന് യുവതി സഹായത്തിനായി റൂം സർവീസ് സ്റ്റാഫിനെ വിളിക്കുകയും , അവർ എത്തി കസേരയിൽ നിന്ന് യുവാവിന്റെ കെട്ടഴിക്കുകയും ചെയ്തു.
അസ്വാഭാവിക മരണത്തിന് കേസെടുത്ത പോലീസ് ചോദ്യം ചെയ്യലിനായി യുവതിയെ കസ്റ്റഡിയിലെടുത്തു.
പുരുഷനുമായി അവിഹിത ബന്ധമുണ്ടെന്ന് യുവതി സമ്മതിച്ചതായി പോലീസ് പറഞ്ഞു. വെയിറ്റർമാർ, ലോഡ്ജ് മാനേജർ, റൂം സേവനം എന്നിവരുടെ മൊഴികൾ പോലീസ് രേഖപ്പെടുത്തിയിട്ടുണ്ട്. സ്ത്രീയുടെയും മരിച്ചയാളുടെയും സെൽഫോണുകളും പൊലീസ് പിടിച്ചെടുത്തു.
