തിരുവനന്തപുരം: കേന്ദ്രസര്ക്കാരിന്റെ കാര്ഷിക നിയമങ്ങൾക്ക് എതിരായ നയപ്രഖ്യാപന പ്രസംഗത്തിലെ ഭാഗം വായിച്ച് ഗവര്ണര് ആരിഫ് മുഹമ്മദ് ഖാന്. കാര്ഷിക നിയമത്തില് കേന്ദ്രസര്ക്കാരിനെ രൂക്ഷമായി വിമര്ശിച്ചുകൊണ്ടുള്ള ഭാഗമാണ് ഗവര്ണര് നിയമസഭയില് വായിച്ചത്. കാർഷിക നിയമങ്ങൾ കേരളത്തെയും ബാധിക്കുമെന്നും നിയമം കോര്പറേറ്റുകളെ സഹായിക്കാനുള്ളതാണെന്നും കേരളത്തെ പോലുള്ള ഉപഭോക്തൃ സംസ്ഥാനങ്ങള്ക്ക് തിരിച്ചടിയാകുന്നതാണ് അവയെന്നും ഗവര്ണര് പറഞ്ഞു. കര്ഷകര്ക്ക് സ്ഥിരം സഹായ പദ്ധതി സംസ്ഥാനം ഒരുക്കും. സുഭിക്ഷ കേരളം പദ്ധതിക്ക് പുതിയ മുഖം നല്കും. സമ്പാദ്യ ശീലം വര്ധിപ്പിക്കാന് കര്ഷക സഞ്ചയിക പദ്ധതി നടപ്പിലാക്കുമെന്നും ഗവര്ണര് പറഞ്ഞു. കാർഷിക നിയമങ്ങൾക്കെതിരായ സഭാ സമ്മേളനത്തിൽ ആദ്യം ഗവർണർ അനുമതി നിഷേധിച്ചത് വിവാദമായിരുന്നു.
കാര്ഷിക നിയമത്തില് കേന്ദ്രസര്ക്കാരിനെ വിമര്ശിച്ചുകൊണ്ടുള്ള ഭാഗം നിയമസഭയില് വായിച്ച് ഗവർണർ
