നാദാപുരം: കോഴിക്കോട് നാദാപുരത്ത് യുഡിഎഫ് പ്രവർത്തകരും പോലീസും തമ്മിൽ സംഘർഷം. നാദാപുരം ചിയ്യൂരാണ് സംഭവം. കൂട്ടംകൂടി നിന്നവരെ പിരിച്ചുവിടാനുള്ള പോലീസിന്റെ ശ്രമമാണ് സംഘർഷത്തിലേക്ക് എത്തിയത്. കല്ലേറിൽ മൂന്ന് പോലീസ് വാഹനങ്ങളുടെ ചില്ല് തകർന്നു , പോലീസ് ഗ്രനേഡ് പ്രയോഗിച്ചു
വോട്ടു ചെയ്യാനായി എത്തിയ യുഡിഎഫ് പ്രവർത്തകർ ബൂത്തിനടുത്ത് കൂട്ടംകൂടി നിന്നതോടെ പോലീസ് ഇടപെടുകയായിരുന്നു. സാമൂഹിക അകലം പാലിക്കണമെന്നും പിരിഞ്ഞുപോകണമെന്നും പോലീസ് ആവശ്യപ്പെട്ടു. എന്നാൽ പ്രവർത്തകർ ഇതിന് തയ്യാറായില്ല. തുടർന്ന് പോലീസ് ലാത്തവീശി. ഇതിനിടെ പ്രവർത്തകർ പോലീസിന് നേരെ കല്ലെറിഞ്ഞു. കല്ലേറിൽ മൂന്ന് പോലീസ് വാഹനങ്ങളുടെ ചില്ല് തകർന്നു. ഇതിന് പിന്നാലെയാണ് പോലീസ് ഗ്രനേഡ് പ്രയോഗിച്ചത്. ആർക്കും പരുക്കില്ല.
