ഭോപ്പാല്: മധ്യപ്രദേശില് പ്രത്യേക കൗ കാബിനറ്റ് രൂപീകരിക്കുമെന്ന് മുഖ്യമന്ത്രി ശിവരാജ് സിംഗ് ചൗഹാന്. സംസ്ഥാനത്തെ കന്നുകാലികളുടെ സംരക്ഷണവും വികസനവും മുന്നിര്ത്തിയാണ് പ്രത്യേക കാബിനറ്റ് രൂപീകരണമെന്ന് അദ്ദേഹം പറഞ്ഞു.
കന്നുകാലിവളര്ത്തല്, വനം, പഞ്ചായത്ത് ഗ്രാമീണ വികസനം, റവന്യൂ, കൃഷി വികസന വകുപ്പുകള്, എന്നിവ കൗ കാബിനറ്റില് ഉള്പ്പെടുത്തും. ആദ്യയോഗം നവംബര് 22 ന് നടത്തും, ശിവരാജ് സിംഗ് പറഞ്ഞു.
നേരത്തെ ലൗ ജിഹാദ് വിഷയം സംബന്ധിച്ചും മധ്യപ്രദേശ് സര്ക്കാര് പ്രസ്താവനയിറക്കിയിരുന്നു. ലൗ ജിഹാദ് കേസുകളില് പിടിക്കപ്പെടുന്നവര്ക്ക് അഞ്ച് വര്ഷം വരെ ശിക്ഷ ഏര്പ്പെടുത്തുമെന്ന് സംസ്ഥാന ആഭ്യന്തരമന്ത്രി നരോത്തം മിശ്ര പറഞ്ഞിരുന്നു. ഇതുസംബന്ധിച്ച നിയമം ഉടന് പ്രാബല്യത്തില് കൊണ്ടുവരുമെന്നും അദ്ദേഹം പറഞ്ഞിരുന്നു.
നേരത്തെ യു.പി, കര്ണ്ണാടക, ഹരിയാന എന്നീ സംസ്ഥാനങ്ങളും സമാനമായ നിയമനിര്മ്മാണം നടത്തുമെന്ന് പ്രഖ്യാപിച്ച് രംഗത്തെത്തിയിരുന്നു. ഇതിനുപിന്നാലെയാണ് മധ്യപ്രദേശ് സര്ക്കാരിന്റെ നീക്കം.
അടുത്ത നിയമസഭ സമ്മേളനത്തില് ബില് അവതരിപ്പിക്കുമെന്നും പ്രതികള്ക്ക് കഠിനശിക്ഷ തന്നെ ഏര്പ്പെടുത്തുമെന്നും മിശ്ര പറഞ്ഞു.
