പാലക്കാട്: വാളയാർ പീഡനക്കേസ് പ്രതികളില് ഒരാളായ പ്രദീപ് കുമാറിനെയാണ് ആലപ്പുഴയിലെ വയലാറിലെ വീട്ടില് ആത്മഹത്യ ചെയ്ത നിലയിൽ കണ്ടെത്തിയത്. പോക്സോ കോടതി കേസില് തെളിവില്ലെന്ന് കണ്ട് ഇയാളെ വെറുതെ വിട്ടിരുന്നു.
2017 ജനുവരി 13നും മാര്ച്ച് 4 നുമായാണ് രണ്ടുപെണ്കുട്ടികള് അട്ടപ്പള്ളത്തുള്ള ഷീറ്റുമേഞ്ഞ പൊളിഞ്ഞുവീഴാറായ വീടിനകത്ത് ദുരൂഹസാഹചര്യങ്ങളില് മരിച്ചത്. ആദ്യകുട്ടിയുടെ പ്രായം 11ഉം രണ്ടാമത്തെ കുട്ടിയുടേത് എട്ടുമായിരുന്നു. കുട്ടികള് സ്കൂളില്നിന്ന് വന്നശേഷം വൈകീട്ട് തൂങ്ങിമരിച്ചതായാണ് പൊലീസ് പറയുന്നത്. എന്നാല് കുട്ടികളെ ബന്ധുതന്നെയായ പ്രതികള് ലൈംഗികാതിക്രമം നടത്തിയതായി മാതാവ് പൊലീസിന് മൊഴി നല്കിയിരുന്നു. കുട്ടികള് സ്കൂളിലും പരാതിപ്പെട്ടിരുന്നു
