തിരുവനന്തപുരം: കള്ളപ്പണം വെളുപ്പിക്കല് കേസില് മുന്മന്ത്രി ഇബ്രാഹിംകുഞ്ഞിനെ എന്ഫോഴ്സ്മെന്റ് ഡയറക്ടറേറ്റ് ചോദ്യം ചെയ്യുന്നു. ബുധനാഴ്ച (28/10/2020) രാവിലെയാണ് ചോദ്യം ചെയ്യൽ തുടങ്ങിയത്. ഇബ്രാഹിം കുഞ്ഞിന്റെ നിയന്ത്രണത്തിലുള്ള ചന്ദ്രിക പത്രത്തിന്റെ രണ്ടു അക്കൗണ്ടുകള് വഴി പത്തുകോടി രൂപയുടെ കള്ളപ്പണം വെളുപ്പിച്ചെന്ന കേസിലാണ് ചോദ്യം ചെയ്യല്. കേസുമായി ബന്ധപ്പെട്ട് നിര്ണായക വിവരങ്ങള് ഇബ്രാഹിം കുഞ്ഞില് നിന്നും ലഭിക്കുമെന്നാണ് എന്ഫോഴ്സ്മെന്റിന്റെ വിലയിരുത്തല്.
ഹൈക്കോടതിയുടെ നിര്ദ്ദേശ പ്രകാരമാണ് എന്ഫോഴ്സ്മെന്റ് ഡയറക്ടറേറ്റ് കേസില് അന്വേഷണം ആരംഭിച്ചത്.
